మంచి పోషకాలున్న పనస

పండ్లు – ఆరోగ్యం…

వేసవిలో విరివిగా దొరికే పండ్లలో పనస కూడా ఒకటి. పండిన పనస తొనల్లో రుచి మాత్త్రమే కాదు , ఆరోగ్య ప్రయోజనాలు ఉన్నాయి . ఇతర పండ్లతో పోలిస్తే , విటమిన్లు, ఫోలేట్, నియాన్ , పొటాషియం , మెగ్నీషియం ఎక్కువగా ఉంటాయి.. దీంట్లో ఉండే యాంటీ ఆక్సీడెంట్స్ శరీరంలోని కణాలను దెబ్బతినకుండా కాపాడుతాయి. అధికంగా ఉండే ఫైబర్ జీర్ణక్రియ సక్రమంగా జరిగి మలబద్దకాన్ని నిరోధిస్తుంది..

అల్సర్ , మధుమేహం, గుండెపోటు, రక్తపోటు తదితర సమస్యలు దూరమవుతాయి. ఇందులో ఉండే సి విటమిన్ చర్మం, శిరోజాలను కాపాడుతుంది. వ్యాధి నిరోధక శక్తి కూడా పెరుగుతుంది.. క్యాన్సర్ నిరోధకాలుగా పనిచేసే ఫైటో న్యూట్రియంట్స్ పనస లో పుష్కలంగా ఉంటాయి ఖనిజాలు, లవణాలు, థైరాయిడ్ గ్రంధి ఆరోగ్యాన్ని కాపాడుతాయి.. అధిక ఒత్తిడి నుంచి ఉపశమనం కలిగించటమే కాకుండా బరువును అదుపులో ఉంచుతుంది..

ఇనుము రక్తహీనతను తగ్గిస్తుంది.. విటమిన్ ఏ కళ్ళను ఆరోగ్యంగా ఉంచుతుంది.. ఫుడ్ అలర్జీ ఉన్నవారు పనస పండుకు దూరంగా ఉంటేనే మంచిదట. దీంట్లో ఉండే కాల్షియం ఎముకలు గట్టిపడేలా చేసి , విరగకుండా కాపాడుతుంది.. పచ్చి పనస తో బిర్యానీ కూడా చేస్తారు. పనస పండు గింజలను ఇష్టంగా తింటారు.. వీటిల్లో ఎక్కువగా ప్రోటీన్లు ఉంటాయి.

జాతీయ వార్తల కోసం క్లిక్ చేయండి.: https://www.vaartha.com/category/news/national/