తెలంగాణ వ్యాప్తంగా కొత్త లిక్కర్షాపులు ఓపెన్
తెలంగాణ రాష్ట్ర వ్యాప్తంగా కొత్త లిక్కర్షాపులు ఓపెన్ అయ్యాయి.నవంబర్ 30న పాత మద్యం దుకాణాల లైసెన్సుల గడువు ముగియడంతో..కొత్త మద్యం షాప్స్ నిన్నటి నుండి ఓపెన్ అయ్యాయి. రెండేండ్ల కాలానికి రాష్ట్ర ప్రభుత్వం ఆగస్టులోనే టెండర్లు ఆహ్వానించగా.. 2,620 వైన్స్కు లక్షా 31 వేల 490 దరఖాస్తులు వచ్చాయి. టెండర్ల అప్లికేషన్ ఫీజు రూపంలోనే సర్కారుకు ఏకంగా రూ.2,629 కోట్లు సమకూరాయి.
షాపులు దక్కిన యజమానులు శుక్రవారం కొత్త వైన్స్ ను ప్రారంభించారు. రాష్ట్రంలో గతేడు 2,216 లిక్కర్షాపులు ఉండగా.. సర్కారు ఈసారి కొత్తగా 404 షాపులు ఏర్పాటు చేసింది. దీంతో ఈ సంఖ్య 2,620కి చేరింది. మరో 1,200 బార్లు ఉన్నాయి. కొత్త షాపుల లైసెన్స్గడువు రెండేండ్ల పాటు (2025, నవంబర్30 వరకు) ఉంటుంది.