వేసవిలో బార్లీ నీళ్లు..బోలెడు ప్రయోజనాలు !
ఆహారం, ఆరోగ్యం
బార్లీ నీళ్లతో చాలా ఆరోగ్య ప్రయోజనాలు ఉన్నాయి . వీటిలో ఫైబర్ ఎక్కువగా ఉంటుంది . ఇది కొలెస్ట్రాల్ ను తగ్గించటంలో సాయపడుతుంది. గట్ బ్యాక్టీరియాను సమతుల్యం చేయటంలో సహాయ పడుతుంది. మన ఆరోగ్యంలో బాక్టీరియా ముఖ్యమైన పాత్ర పోషిస్తుంది. బార్లీ ఆధారిత ఆహారాన్ని తీసుకోవటం వలన బాక్టీ రాయిడ్స్ అనే గట్ బ్యాక్టీరియా తగ్గుతుందని అధ్యయనాలు చెబుతున్నాయి.
రక్తపోటును అదుపులో ఉంచుతాయి . రక్తంలో చక్కర స్థాయిలను అదుపులో ఉంచి , టైప్ డయాబెటిస్ ప్రమాదాన్ని తగ్గించటంలో సహాయ పడుతుంది.. మధుమేహం ఉన్నవా రు తమ రక్తంలో స్థాయిలను నియంత్రించేందుకు బార్లీ వాటర్ తాగవచ్చు .
ఎండల ప్రభావం పడకుండా ఉండాలన్నా, వడ దెబ్బ తగలకుండా ఉండాలన్నా ఈ నీళ్లు తాగాల్సిందే.
బార్లీ నీళ్లు తాగితే జీర్ణాశయం కూడా చాలా శుభ్రపడుతుంది .. అజీర్తి దూరం అవుతుంది.
పిల్లలకు బార్లీ నీరు తాగించటం వలన మంచి ఫలితం ఉంటుంది . మలబద్దకం వంటి సమస్యలు దరి చేరవు.
గర్భిణీలు రోజూ బార్లీ నీళ్లు తగితే మరీ మంచిది. కాళ్ళ వాపు సమస్య ఉండదు . ఉదయం , సాయంత్రం బార్లీ నీళ్లు తాగితే బిడ్డ ఆరోగ్యం కూడా బాగుంటుంది.. అలసట కూడా త్వరగా రాదు.
బరువు తగ్గాలనుకునేవారు , వారికి కూడా బార్లీ నీళ్లు బాగా ఉపయోగ పడతాయి. రక్తంలో కొలెస్ట్రాల్ శాతాన్ని తగ్గిస్తాయి. దీని ద్వారా గుండె సంబంధిత వ్యాధులు దూరంగా ఉంటాయి .
మహిళలను తరచూ బాధించే ప్రధాన సమస్య మూత్ర నాళ ఇన్ఫెక్షన్ .. ఈ సమస్యను దూరం చేసుకోవాలంటే, ఉదయాన్నే రోజూ గ్లాసుడు బార్లీ నీళ్లు తాగితే మంచి ఫలితం ఉంటుంది. మూత్రంలో ఇన్ఫెక్షన్స్ కలిగే కారకాలు, వ్యర్ధాలు బయటికి పోతాయి.. సూక్షమైన రాళ్లు కూడా కరిగి పోతాయి.
తెలంగాణ వార్తల కోసం క్లిక్ చేయండి: https://www.vaartha.com/category/telangana/