నేడు సిఎం జగన్ అధ్యక్షతన ఏపి కేబినెట్ భేటి

అసెంబ్లీ సమావేశాలపై నిర్ణయం తీసుకునే అవకాశం

అమరావతిః నేడు ఏపి కేబినెట్‌ సమావేశం జరుగనుంది. సిఎం జగన్ అధ్యక్షతన ఉదయం 11 గంటలకు సమావేశం జరగనుంది. సచివాలయంలోని మొదటి బ్లాక్ లో మంత్రివర్గ సమావేశ మందిరంలో ఈ భేటీ జరుగుతుంది. పలు కీలక అంశాలపై ఈ సమావేశంలో చర్చించి, నిర్ణయాలు తీసుకోబోతున్నారు. రాష్ట్ర పెట్టుబడుల ప్రోత్సాహక మండలి సమావేశంలో తీసుకున్న నిర్ణయాలకు కేబినెట్ ఆమోదముద్ర వేయనుంది. అసెంబ్లీ సమావేశాలపై కూడా ఈ సమావేశంలో నిర్ణయం తీసుకునే అవకాశం ఉన్నట్టు తెలుస్తోంది. మూడు రాజధానులపై చర్చించే అవకాశం కూడా ఉందని సమాచారం.

తాజా తెలంగాణ వార్తల కోసం క్లిక్‌ చేయండిః https://www.vaartha.com/telangana/