రహదారిపైనే ల్యాండ్ అయినా మోదీ
ఉత్తర్ప్రదేశ్లో పూర్వాంచల్ ఎక్స్ప్రెస్ వేను ప్రారంభించేందుకు ప్రధాని మోడీ సీ-130జే యుద్ధ విమానంలో వెళ్లారు. వినూత్నంగా మోడీ రహదారిపైనే ల్యాండ్ అయ్యారు. పూర్వాంచల్ ఎక్స్ప్రెస్ వే లఖ్నవూను యూపీలోని తూర్పున ఉండే ప్రాంతాలను కలుపుతూ 340.8 కిలోమీటర్ల మేర నిర్మించారు. రూ.22,500 కోట్ల వ్యయంతో రహదారిని పూర్తి చేశారు.
ఆరు లేన్ల ఈ ఎక్స్ప్రెస్ వే.. బారాబంకి, అమేఠీ, సుల్తాన్పుర్, అయోధ్య, అంబేడ్కర్ నగర్, ఆజంగఢ్, మౌ, గాజీపుర్ జిల్లాలను కలుపుతుంది. రహదారిలో భాగంగా సుల్తాన్పుర్ వద్ద 3.2 కిలోమీటర్ల ఎయిర్స్ట్రిప్ సిద్ధం చేశారు. అత్యవసర సమయంలో యుద్ధ విమానాలు దిగేందుకు వీలుగా దీన్ని ఏర్పాటు చేశారు.వాహనదారులకు ప్రయోజనం కలిగేలా, ఇంధన వాడకం తగ్గేలా ఈ రహదారిని నిర్మించారు. భవిష్యత్లో దీన్ని ఎనిమిది లైన్ల రహదారిగా మార్చుకోవచ్చు. మోదీ ఈ రహదారిని ప్రారంభించనున్న నేపథ్యంలో.. ముందస్తు ట్రయల్స్లో భాగంగా ఎక్స్ప్రెస్వేపై మిరాజ్ 2000, సుఖోయ్-30, ఏఎన్32 టర్బోప్రాప్ యుద్ధవిమానాలతో పాటు సీ-130 రవాణా విమానం సైతం రహదారిపై ఆదివారం దింపారు.