పిల్లలతో కలిసి ప్రధాని మోడీ అల్లరి.. వీడియో వైరల్
తాను కూడా పిల్లాడిలా మారిన వైనం
న్యూఢిల్లీః అధికారిక కార్యక్రమాలు, రాజకీయలతో అనునిత్యం ఎంతో బిజీగా ఉండే ప్రధాని మోడీ కాసేపు చిన్నారులతో కలిసిపోయి ఆడుతూ కనిపించారు. వారితో కలిసి ఆయన కూడా పిల్లాడిలా మారిపోయారు. ఈ వీడియోను బిజెపి తమ ట్విట్టర్ ఖాతాలో షేర్ చేసింది. మోడీ కూడా ఈ వీడియోను తన వాట్సాప్ ఛానల్లో షేర్ చేశారు. తన చిన్నారి మిత్రులతో కొన్ని గుర్తిండిపోయే క్షణాలు అని క్యాప్షన్ పెట్టారు. అయితే ఈ వీడియోను ఎప్పుడు తీశారనేది మాత్రం పేర్కొనలేదు. ఈ వీడియో ప్రస్తుతం వైరల్ అవుతోంది.
