లంగర్ హౌస్ పీఎస్ పరిధిలో దారుణం..
లంగర్ హౌస్ పీఎస్ పరిధిలో దారుణం చోటుచేసుకుంది. ఓ వ్యక్తిని అతి కిరాతకంగా నరికి చంపి , ముక్కలుగా చేసి దర్గా దగ్గర పడేసారు. ఈ ఘటన ఫై పోలీసులు స్పందించారు. గురువారం రాత్రి 10:30 గంటల తర్వాత దర్గా మిలట్రీ హాస్పిటల్ సమీపంలో ఓ ఆటో నుండి ఓ వ్యక్తి, ఓ మహిళ దిగి , గోనె సంచి తెచ్చి పడేస్తుండగా, స్థానికులు గమనించి ఏమిటి అని అడిగినట్లు తెలిపారు. స్థానికులు ఎంత అడిగినా..వారు
సమాధానం చెప్పకుండా అక్కడి నుంచి వెళ్లిపోయారు.
స్థానికులు వెంటనే పోలీసులకు సమాచారం ఇచ్చారు. పోలీసులు వచ్చి చూడగా గోనె సంచిలో డెడ్బాడీ ఉన్నట్లు గుర్తించారు. ముక్కలు, ముక్కలుగా నరికి పాలిథిన్ కవర్లో శరీర భాగాలను మూటగట్టినట్లు తెలిసింది. వెంటనే వాటిని పోస్టుమార్టం నిమిత్తం ఉస్మానియా ఆసుపత్రికి తరలించినట్లు తెలిపారు. ప్రస్తుతం పోలీసులు కేసు నమోదు చేసుకొని, డెడ్బాడీ ఎవరిదో, తెచ్చి పడేసింది ఎవరో అనే దానిపై విచారణ మొదలుపెట్టారు.
