హైదరాబాద్ మెట్రోలో పలు ఉద్యోగాల భర్తీకి నోటిఫికేషన్
మెట్రో వెబ్ సైట్ లో దరఖాస్తు వివరాలు
హైదరాబాద్‌ః హైదరాబాద్ మెట్రో నిరుద్యోగులకు గుడ్ న్యూస్ చెప్పింది. పలు ఉద్యోగాల భర్తీకి తాజాగా నోటిఫికేషన్ విడుదల చేసింది. ఖాళీగా ఉన్న 12 పోస్టులను భర్తీ చేయనున్నట్లు తెలిపింది. పోస్టుల వివరాలు, అర్హతలు, ఉద్యోగాల దరఖాస్తు తేదీలతో పాటు ఇతర వివరాలను వెల్లడించింది. అధికారిక వెబ్ సైట్ లో పూర్తి వివరాలను వెల్లడిస్తూ.. అర్హులైన అభ్యర్థుల నుంచి దరఖాస్తులు ఆహ్వానించింది. ఆసక్తిగల అభ్యర్థులు ముందుగా https://www.ltmetro.com వెబ్సైట్ హోమ్ పేజీలో కెరీర్స్ సెక్షన్ లోకి వెళ్లాలి. కరెంట్ ఆపర్చునిటీస్ పైన క్లిక్ చేసి మీకున్న అర్హతలతో పాటు అవసరమైన వివరాలను నమోదు చేయాలి. అర్హతలకు సంబంధించిన వివరాలను [email protected] కు మెయిల్ చేయాలి.
