ఆ సీన్ చూసి బన్నీ కి దణ్ణం పెట్టానని చెప్పుకొచ్చిన చంద్రబోస్
అల్లు అర్జున్ – సుకుమార్ కలయికలో రాబోతున్న హ్యాట్రిక్ మూవీ పుష్ప. పాన్ ఇండియా గా డిసెంబర్ 17 న ఈ మూవీ మొదటి పార్ట్ ప్రేక్షకుల ముందుకు రాబోతుంది. ఇక విడుదలకు వారం రోజుల సమయం మాత్రమే ఉండడం తో ప్రమోషన్లను స్పీడ్ చేసారు. ఈ సందర్భంగా గురువారం హైదరాబాద్లో మీడియాతో పుష్ప విశేషాలు పంచుకున్నారు గేయ రచయిత చంద్రబోస్.
సుకుమార్ స్వతహాగా కవి కావడంతో ఆయన సినిమాల్లో పాటలు రాయడం అనేది పెద్ద సవాల్ అని చెప్పుకొచ్చారు చంద్రబోస్. ‘రంగస్థలం’ తర్వాత నుంచి మా కాంబినేషన్కు బాధ్యత పెరిగింది. నిజానికి ఆ చిత్రంలో ఏ పాటను నేను రాయలేదు. వచించాను. సందర్భం చెబుతుంటే ఆసువుగా చెప్పేసేవాడిని. ఆ చిత్ర పాటలన్నీ విడుదలయ్యాక.. లిరికల్ షీట్స్ రిలీజ్ చేద్దామన్నప్పుడే పాటల్ని కాగితంపై రాశాను. అందుకే నా 27ఏళ్ల సినీ కెరీర్లో ‘రంగస్థలం’ ఓ మధురమైన అనుభూతినిచ్చిన చిత్రమైంది.
ఇది ‘రంగస్థలం’కు పూర్తి భిన్నమైన కథ. అక్కడ చిట్టిబాబు వేరు.. ఇక్కడ పుష్పరాజ్ వేరు. అందులో రామలక్ష్మి వేరు.. ఈ సినిమాలో శ్రీవల్లి వేరు. కథా నేపథ్యమే చాలా కొత్తగా ఉంటుంది. ఈ చిత్రంలోని ఓ మూడు సీన్లు సుకుమార్ నాకు చూపించారు. అది చూసి.. సుక్కుకు, అల్లు అర్జున్కు దణ్ణం పెట్టేశా. ముఖ్యంగా పుష్ప పాత్ర కోసం బన్నీ ఎంతటి అంకిత భావంతో పని చేశాడో చూసి ఆశ్చర్యమేసిందని అన్నారు చంద్రబోస్.