వైసీపీ మేనిఫెస్టో విడుదల ఫై చంద్రబాబు విమర్శలు
నేడు వైసీపీ మేనిఫెస్టో విడుదల నేపథ్యంలో చంద్రబాబు.. సీఎం జగన్ ఫై మండిపడ్డారు. గత ఎన్నికల్లో నవరత్నాలు పేరుతో అధికారంలోకి వచ్చిన వైసీపీ..ఈసారి అంతకు మించి సంక్షేమ పథకాలతో అధికారంలోకి రావాలని చూస్తుంది. ఈ నేపథ్యంలో ఈరోజు వైసీపీ తమ మేనిఫెస్టో ను రిలీజ్ చేయబోతుంది. తాడేపల్లిలోని పార్టీ కేంద్ర కార్యాలయంలో మేనిఫెస్టో విడుదల చేయబోతున్నారు. ఓటర్లను ఆకట్టుకునేలా మేనిఫెస్టో ఉండబోతుందని, ఈ ఐదేళ్లలో ప్రజలను ఆకట్టుకున్న అన్ని పథకాలను కూడా మేనిఫెస్టోలో ఉంచబోతున్నారు.
అయితే ఈ మేనిఫెస్టో విడుదల ఫై చంద్రబాబు ఆగ్రహం వ్యక్తం చేసారు. ‘మేనిఫెస్టో అంటే బైబిల్, ఖురాన్, భగవద్గీత అన్నావు. వాటిల్లో ఏ ఒక్కదాని మీదన్నా నీకు గౌరవం ఉంటే 2019 మేనిఫెస్టోలో చెప్పినట్టు మద్యపాన నిషేధం చేసి ఉండేవాడివి. మద్యపాన నిషేధం చేశాకే ఓటు అడుగుతా అన్న నువ్వు… ఇప్పుడు ఏ ముఖం పెట్టుకుని 2024 మేనిఫెస్టోని విడుదల చేసి, ఓట్లు అడుగుతున్నావు?’ అని జగన్ పాత వీడియోను షేర్ చేశారు.