రేపటి నుండి తెలంగాణ లో జూనియర్ కళాశాలలు ప్రారంభం

తెలంగాణాలో రేపటి నుండి జూనియర్ కళాశాలలు ప్రారంభం కాబోతున్నాయి. మొదటి, ద్వితీయ సంవత్సరం విద్యార్థులు రేపటి నుండి కళాశాలకు హాజరు కావాల్సి ఉంది. తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ (టీఎస్ బీఐఈ) అడ్మిషన్ షెడ్యూల్ ప్రకారం జూన్ 30 నాటికి మొదటి దశ అడ్మిషన్లు పూర్తవుతాయి. రెండో దశకు సంబంధించిన షెడ్యూల్ ను త్వరలోనే వెల్లడి కానున్నాయి. జూనియర్ కాలేజీల్లో అడ్మిషన్లు తీసుకోవాలనుకునే వారు అధికారిక TS BIE వెబ్‌సైట్ ను సందర్శించి, వివరాలను తెలుసుకోవచ్చని బోర్డు ప్రకటించింది.

2023-2024 మొత్తం 304 రోజులలో 227 కళాశాలలు నడవనున్నాయి. మిగిలిన రోజుల్లో ఆదివారాలు, పండుగ రోజులు, సెలవులు ఉంటాయి. దసరా సెలవులు అక్టోబర్ 19 నుంచి 25, 2023 వరకు ఉండగా, సంక్రాంతికి సెలవులు జనవరి 13 నుంచి 16, 2024 వరకు ఉంటాయి. అలాగే షెడ్యూల్ ప్రకారం, ఇంటర్మీడియట్ ప్రాక్టికల్ పరీక్షలు ఫిబ్రవరి 2024 రెండవ వారంలో నిర్వహిస్తాయి. థియరీ పరీక్షలు మార్చి 2024 మొదటి వారంలో నిర్వహిస్తారు. పరీక్షల తర్వాత వేసవి సెలవులు ఏప్రిల్ 1న ప్రారంభమై మే 31, 2024 వరకు కొనసాగనున్నాయి.