సుజనాకు షాక్ ఇచ్చిన నేషనల్ మెడికల్ కౌన్సిల్

సుజనా చౌదరి మెడికల్ కాలేజీ గుర్తింపు రద్దు

హైదరాబాద్‌ః బిజెపి నేత, రాజ్యసభ మాజీ సభ్యుడు సుజనా చౌదరికి నేషనల్ మెడికల్ కౌన్సిల్ షాక్ ఇచ్చింది. ఆయనకు చెందిన మెడికల్ కాలేజీ గుర్తింపును రద్దు చేసింది. ఈ విద్యా సంవత్సరానికి (2023-24) గాను అడ్మిషన్లను నిలిపివేయాలని ఆదేశాలు జారీ చేసింది. హైదరాబాద్ శివార్లలోని ఘన్ పూర్ లో మెడిసిటీ ఇన్స్టిట్యూట్ ఆఫ్ మెడికల్ సైన్సెస్ పేరిట మెడికల్ కాలేజీని సుజనా చౌదరి ఏర్పాటు చేశారు. ఈ కాలేజీని 2002లో ఏర్పాటు చేశారు. యూనివర్శిటీ కౌన్సిలింగ్ కింద ఏటా 100 అడ్మిషన్లను కేటాయించేవారు. 2017లో సీట్ల సంఖ్య 150కి పెరిగింది. ఇప్పుడు మెడికల్ కాలేజీ గుర్తింపు రద్దు కావడం చర్చనీయాంశంగా మారింది.