ఇండియా ఇన్నోవేషన్ సెంటర్‌ను ప్రారంభించిన సర్వీస్‌నౌ
హైదరాబాద్ : ప్రముఖ డిజిటల్ వర్క్‌ఫ్లో కంపెనీ, సర్వీస్‌నౌ (NYSE: NOW) ఈరోజు సర్వీస్‌నౌ యొక్క కొత్త ఇన్నోవేషన్ సెంటర్‌ను ప్రారంభిస్తున్నట్లు ప్రకటించింది. ఇది భారతీయ సంస్థలకు డిజిటల్ ఇంక్యుబేషన్ హబ్ గా డిజిటల్ రోడ్‌మ్యాప్‌లైన GenAI, హైపర్ ఆటోమేషన్ మరియు లో కోడ్ యాప్‌లు మోడల్ చేయడానికి, ప్రదర్శించడానికి మరియ ఒత్తిడిని పరీక్షించడానికి తోడ్పడుతూనే కస్టమర్‌లు మరియు ఉద్యోగులకు మెరుగైన అనుభవాన్ని అందించనుంది.
ఈ ఇన్నోవేషన్ సెంటర్ హైదరాబాద్‌లోని నాలెడ్జ్ సిటీ వద్ద ఉంది. కంపెనీలు తమ వ్యాపార వ్యూహాలను విస్తరించటానికి, అనుకూలమైన డిజిటల్ బ్లూప్రింట్‌లను రూపొందించడంలో సహాయపడటానికి తొమ్మిది ప్రయోజన-నిర్మిత గదులను కలిగి ఉంది. భారతీయ పౌరులకు నైపుణ్యం కల్పించడానికి కట్టుబడి ఉన్న విద్యావేత్తలు, కస్టమర్‌లు మరియు భాగస్వాములతో ప్రత్యేకంగా ఈ హబ్ ఆన్-డిమాండ్ ట్రైనింగ్ సెషన్‌లను కూడా నిర్వహించనుంది.
ఈ ప్రారంభ వేడుకలో, తెలంగాణ ప్రభుత్వ ప్రిన్సిపల్ సెక్రటరీ జయేష్ రంజన్, ఐఏఎస్ మాట్లాడుతూ, “హైదరాబాద్‌లోని సర్వీస్‌నౌ ఇన్నోవేషన్ సెంటర్ భారతీయ సంస్థలు పనిచేసే విధానాన్ని మరియు డిజిటల్ నైపుణ్యాన్ని పెంపొందించుకోవటంలో తోడ్పడటం పట్ల వారి నిబద్ధతను సూచిస్తుంది. ఈ పెట్టుబడి రాష్ట్రానికి మరియు దాని ప్రజలకు అవకాశాలను తీసుకురావడమే కాకుండా ప్రముఖ టెక్నాలజీ హబ్‌గా హైదరాబాద్ ఖ్యాతిని పెంచుతుంది. సర్వీస్‌నౌ యొక్క వృద్ధి కథలో భాగమైనందుకు మేము గర్విస్తున్నాము మరియు డిజిటల్ ల్యాండ్‌స్కేప్‌ను తీర్చిదిద్దే మరియు భారతదేశం యొక్క గ్లోబల్ డిజిటల్ పోటీతత్వాన్ని పెంచే ప్రపంచ స్థాయి ఆవిష్కరణల ఆవిర్భావానికి సాక్ష్యమివ్వడానికి మేము ఎదురుచూస్తున్నాము..” అని అన్నారు.
“భారతదేశపు వ్యాపార సంస్థలకు పని చేయడానికి మెరుగైన మార్గాలను అందించడానికి, డిజిటల్ వ్యాపారాలను నిర్మించే విధానాన్ని సర్వీస్‌నౌ మారుస్తోంది ” అని సర్వీస్‌నౌ ఇండియన్ సబ్-కాంటినెంట్ వైస్ ప్రెసిడెంట్ & మేనేజింగ్ డైరెక్టర్ కమోలికా గుప్తా పెరెస్ అన్నారు. “హైదరాబాద్‌లో ఇన్నోవేషన్ సెంటర్‌ను ఏర్పాటు చేయడం, మా కస్టమర్‌లు యుఎస్ఏ వెలుపల ఉన్న సర్వీస్‌నౌ యొక్క అతిపెద్ద డెవలప్మెంట్ సెంటర్‌లో మా ఇంజనీర్‌లతో నేరుగా సంభాషణలు జరపడానికి వీలు కల్పిస్తుంది మరియు వారి అవసరాలను ఉత్తమంగా తీర్చడానికి వారి వ్యాపార వ్యూహాలకు అనుకూలీకరించిన అభివృద్ధి చెందుతున్న సాంకేతికతలను ఏకీకృతం చేస్తుంది” అని అన్నారు
సర్వీస్‌నౌ యొక్క ఇండియా డెవలప్మెంట్ సెంటర్, హైదరాబాద్‌లో ఉంది, కంపెనీ యొక్క గ్లోబల్ అర్ధ వార్షిక ఉత్పత్తి అభివృద్ధి సైకిల్‌కు ప్రధాన సహకారిగా ఉంటుంది.
భారతీయ సంస్థలు తమ ఉత్పాదకత సవాళ్లలో కొన్నింటిని పరిష్కరించడానికి మరియు బలమైన డిజిటల్ వ్యాపారాలను నిర్మించడంలో సహాయపడటానికి సర్వీస్‌నౌ పరిష్కారాలను స్వీకరిస్తున్నాయి. నేడు భారతదేశంలో, సర్వీస్‌నౌ ఈ దిగువ సంస్థలకు సేవలందిస్తుంది:
- అన్ని టాప్ టెన్ టెక్నాలజీ ప్రొవైడర్లు
- మొదటి ఐదు బ్యాంకుల్లో చాలా వరకు
- మరియు 2022లో రెండు స్థానిక డేటా సెంటర్‌లను ప్రారంభించినప్పటి నుండి, ServiceNow ప్రభుత్వ రంగంలో వేగంగా అభివృద్ధి చెందుతోంది
“సర్వీస్ నౌ ఇండియా ఉద్యోగులు మా ప్రపంచ శ్రామికశక్తిలో 15 శాతానికి పైగా ప్రాతినిధ్యం వహిస్తున్నారు. డిజిటల్ నైపుణ్యాలతో ప్రజలను సన్నద్ధం చేయడానికి భారతదేశం యొక్క విస్తృత పర్యావరణ వ్యవస్థలో పెట్టుబడులు పెట్టడం సర్వీస్‌నౌకి అత్యంత ప్రాధాన్యత గా ఉంది, ”అని సర్వీస్‌నౌ ఇండియా టెక్నాలజీ & బిజినెస్ సెంటర్ వైస్ ప్రెసిడెంట్ & మేనేజింగ్ డైరెక్టర్ సుమీత్ మాథుర్ అన్నారు.
“భారతదేశం కోసం కొత్త ఇన్నోవేషన్ సెంటర్‌లో మా తాజా పెట్టుబడి ఒక ప్రొఫెషనల్ సహకార బ్రీఫింగ్ సెంటర్‌గా పనిచేస్తుంది, ఇక్కడ కస్టమర్‌లు సర్వీస్‌నౌ సంస్థలకు తీసుకురాగల విలువపై పరిజ్ఞానం పొందవచ్చు. సర్వీస్‌నౌ యొక్క అతిపెద్ద ప్రోడక్ట్ డెవలప్మెంట్ సైట్‌గా హైదరాబాద్ ఉండటంతో, అవకాశాలను అన్వేషించడానికి మరియు తక్కువ సమయంలో ఎక్కువ సాధించడానికి, తుది వినియోగదారుతో మా డెవలపర్‌లను కనెక్ట్ చేయడానికి ఇది మాకు గొప్ప అవకాశం…” అని అన్నారు
సర్వీస్‌నౌ యొక్క గ్లోబల్ రైజ్‌అప్ ప్రోగ్రామ్ గత పది నెలలుగా భారతదేశంలోని పది అకడమిక్ మరియు ప్రభుత్వ సంస్థలతో భాగస్వామ్యం చేసుకుంది, ఈ మొదటి ఇన్‌టేక్‌లో డిజిటల్ నైపుణ్యాలను పెంపొందించడానికి 5,500+ విద్యార్థులకు శిక్షణ ఇవ్వడానికి కట్టుబడి ఉంది. ఈ కార్యక్రమం మరింత మంది విద్యా భాగస్వాములను జోడించి మరింత మందికి శిక్షణ ఇవ్వాలని చూస్తోంది.
