మరో 12 ఏళ్లు అధికారంలో ఉండేలా రాజ్యాంగ సవరణ

ఆమోదం తెలిపిన ఉభయసభలు..2024తో ముగియనున్న పుతిన్ పదవీకాలం

రష్యా: రష్యా అధ్యక్షుడిగా వ్లాదిమిర్‌ పుతిన్‌ పదవీ కాలం మరో నాలుగేళ్లలో ముగియనుంది. ఈసందర్భంగా ఆయన మరో 12 సంవత్సరాల వరకూ తనకు ఎటువంటి అవాంతరాలు లేకుండా మార్గాన్ని సుగమం చేసుకున్నారు. 2024 తరువాత మరో 12ఏళ్లు తనే అధ్యక్షుడిగా కొనసాగించేందుకు వీలుగా చేసిన రాజ్యాంగ సవరణలకు రష్యా పార్లమెంట్‌ తో ఆమోద ముద్ర వేయించుకున్నారు. ఈ మేరకు ‘ద స్టేట్‌ డ్యూమా’ దేశ రాజ్యాంగ సవరణలకు ఏకగ్రీవ ఆమోదం పలికింది. ఈ సవరణలకు 383 అనుకూల ఓట్లు రాగా, వ్యతిరేకంగా ఒక్క ఓటు కూడా పడకపోవడం గమనార్హం. 43 మంది పార్లమెంట్ సభ్యులు హాజరు కాలేదు. కాగా, ‘ద స్టేట్‌ డ్యూమా’ ఈ సవరణలకు ఆమోదం పలికిన గంటల వ్యవధిలోనే ఎగువ సభ ‘ఫెడరేషన్‌ కౌన్సిల్‌’ ఆమోదం కూడా లభించింది. ఇక ఏప్రిల్‌ 22న దేశవ్యాప్తంగా ఈ సవరణలపై ఓటింగ్‌ జరుగనుండగా, అది నామమాత్రమే. ఈలోగా రష్యా రాజ్యాంగ న్యాయస్థానం ఈ సవరణలను మరోసారి సమీక్షించనుంది.

తాజా జాతీయ వార్తల కోసం క్లిక్‌ చేయండి:https://www.vaartha.com/news/national/