స్వార్థం లేకుండా పాదయాత్ర చేసేవాడే నాయకుడు..ఆయనే రాహల్ః కోమటి రెడ్డి

నల్గొండ నుంచే పోటీ చేస్తా.. కోమటి రెడ్డి

హైదరాబాద్ః నాయకుడంటే స్వార్థం లేకుండా పాదయాత్ర చేసేవాడని… ఆయనే రాహల్ గాంధీ అని కాంగ్రెస్ ఎంపీ కోమటి రెడ్డి కొనియాడారు. జూన్ మొదటి వారంలో భట్టి విక్రమార్క పాదయాత్ర నల్గొండకు చేరుకుంటుందని, ఆ సందర్భంగా భారీ సభను ఏర్పాటు చేస్తామని, ఆ సభకు ప్రియాంకాగాంధీ హాజరవుతారని చెప్పారు. ఈ నెల 28న నల్గొండలోని ఎంజీయూలో టీపీసీపీ రేవంత్ రెడ్డి నిరుద్యోగ దీక్ష నిర్వహించబోతున్న సంగతి తనకు తెలియదని… ఈ ఉదయం ఆ దీక్ష గురించి తనకు ఉత్తమ్ కుమార్ రెడ్డి చెప్పారని తెలిపారు. వచ్చే ఎన్నికల్లో తాను నల్గొండ నియోజకవర్గం నుంచే పోటీ చేస్తానని చెప్పారు. తాను పోటీ చేస్తే ప్రజలు తప్పకుండా గెలిపిస్తారని ధీమా వ్యక్తం చేశారు.