అంగళ్లు ఘటన..హైకోర్టులో చంద్రబాబు ముందస్తు బెయిల్ పిటిషన్

అమరావతి ఇన్నర్ రింగ్ రోడ్డు కేసులో నారాయణ యాంటిసిపేటరీ బెయిల్ పిటిషన్

అమరావతిః టిడిపి అధినేత చంద్రబాబును వరుస కేసులు వెంటాడుతున్నాయి. ఉమ్మడి చిత్తూరు జిల్లా అంగళ్లు ఘటనలో ఏ1గా చంద్రబాబుపై కేసు నమోదయింది. ఈ కేసులో ముందస్తు బెయిల్ కోసం ఏపీ హైకోర్టులో ఆయన పిటిషన్ దాఖలు చేశారు. ఈ పిటిషన్ పై ఈరోజు వాదనలు జరగనున్నాయి. మరోవైపు అమరావతి ఇన్నర్ రింగ్ రోడ్డు కేసులో మాజీ మంత్రి పి.నారాయణకు మెడికల్ గ్రౌండ్స్ మీద హైకోర్టు ఇప్పటికే మధ్యంతర బెయిల్ ఇచ్చింది. ఈ నేపథ్యంలో తాజాగా ఆయన ముందస్తు బెయిల్ పిటిషన్ వేశారు. ఈ పిటిషన్ పై కూడా హైకోర్టు ఈరోజు విచారణ చేపట్టనుంది.