కేబినెట్ నుంచి ఉద్వాసనకు చర్యలు ?!

భూకబ్జా ఆరోపణలపై నివేదిక- సీఎస్ ను ఆదేశించిన కెసిఆర్!

Hyderabad: తెలంగాణ వైద్య ఆరోగ్య శాఖ మంత్రి ఈటల రాజేందర్​ ​పై చర్యలు తీసుకుంటూ మంత్రి వర్గం నుంచి ఉద్వాసన పలికేందుకు నిర్ణయం తీసుకున్నట్లు విశ్వసనీయ సమాచారం. .రేపో, మాపో ఆయన్ని కేబినెట్​ నుంచి తొలగించేందుకు చర్యలు తీసుకోనున్నట్టు తెలిసింది. ఈమేరకు సీఎం కేసీఆర్​ నిర్ణయం తీసుకున్నట్లు సమాచారం. మెదక్​ జిల్లా మాసాయిపేట మండలం అచ్చంపేట శివారులో సుమారు 100 ఎకరాల భూమి అంశంలో మంత్రి ఈటలపై ఆరోపణల నేపథ్యంలో అప్పటి కలెక్టర్​ దీనిపై వివరాలు, ఈటల ప్రమేయాన్ని సీఎం కేసీఆర్​కు నివేదించినట్లు తెలిసింది.

నాలుగున్నరేళ్ల కిందట ఈ వ్యవహారం జరిగినట్లు తెలిసింది. ఇటీవల ఈ భూమికి ఓ రోడ్డు విషయంలో రైతులతో రాజీ కుదుర్చుకున్నట్లు, ఈ విషయంపై కొందరు రైతులు వ్యతిరేకించడంతో ఈ వ్యవహారం వెలుగు చూసింది.

ఇదిలా ఉండగా , మంత్రి ఈటల వ్యవహారం శుక్రవారం సాయంత్రం మీడియాలో వైరల్​గా మారింది. ఈ వ్యవహారంపై తనకు అందిన ఫిర్యాదును పురస్కరించుకుని వెంటనే దర్యాప్తు జరిపి నివేదికు జిల్లా కలెక్టర్ ద్వారా తెప్పించి రిపోర్టు అందచేయాల్సిందిగా సీఎస్ సోమేష్ కుమార్‌ను సీఎం కేసీఆర్ ఆదేశించారు.

తాజా ఆంధ్రప్రదేశ్‌ వార్తల కోసం: https://www.vaartha.com/andhra-pradesh/