నాగ్పుర్లో ఘోరం..అతి వేగం నలుగుర్ని బలితీసుకుంది
కారు సృష్టించిన బీభత్సానికి ఓ కుటుంబం బలైన ఘటన నాగ్పుర్లో చోటుచేసుకుంది. నగరంలోని సక్కర్దార వంతెన పై వేగంగా వస్తున్న ఓ కారు అదే దారిలో వస్తున్న వాహనాలపైకి దుసుకెళ్లింది. ఈ ఘటనలో ఒకే కుటుంబానికి చెందిన నలుగురు మృతి చెందారు.
వివరాల్లోకి వెళ్తే..
గణేశ్ అధావ్ తన ఫ్రెండ్ కారు తీసుకుని బుట్టిబోరినికి వెళ్తున్నాడు. అర్ధరాత్రి అవ్వడం వల్ల బ్రిడ్జ్పై ఎవరూ లేరని చాల స్పీడ్ గా డ్రైవ్ చేస్తున్నాడు. ఈ క్రమంలో ఎదురుగా వస్తున్న మూడు వాహనాలను వరుసగా ఢీకొట్టాడు. అందులో ఓ బైక్పై ఒక వ్యక్తి, అతని తల్లి, ఇద్దరు పిల్లలు ప్రయాణిస్తున్నారు. కారు ఢీకొట్టడం వల్ల వారు వంతెనపై నుంచి కింద పడిపోయారు. నీటిలో పడిపోయిన నలుగురు అక్కడికక్కడే మృతి చెందారు. కారు డ్రైవర్ను అదుపులోకి తీసుకున్న పోలీసులు కేసు నమోదు చేసుకుని దర్యాప్తు చేపడుతున్నారు.
