ఆర్ఆర్ఆర్ ఫై తరణ్ ఆదర్శ్ జోస్యం..ఈయన చెప్పిందే జరగబోతుందా..?
యావత్ సినీ లోకం వెయ్యి కళ్లతో ఎదురుచూస్తున్న చిత్రం ఆర్ఆర్ఆర్. దర్శక ధీరుడు రాజమౌళి తెరకెక్కించిన ఈ పాన్ ఇండియా మూవీ జనవరి 07 న వరల్డ్ వైడ్ గా పలు భాషల్లో గ్రాండ్ గా రిలీజ్ కాబోతుంది. ఈ క్రమంలో ప్రముఖ బాలీవుడ్ సినీ విశ్లేషకులు తరణ్ ఆదర్శ్ తన ట్విట్టర్ ద్వారా పోస్ట్ చేసిన ఓ పోస్ట్ ఇప్పుడు బాలీవుడ్ వర్గాల్లో హాట్ టాపిక్ అయ్యింది.
బాలీవుడ్ పై ‘ఆర్ఆర్ఆర్’ ఎఫెక్ట్ భారీగా ఉండబోతోందని..బాలీవుడ్ పూర్తిగా మెట్రో సెంట్రిక్ సినిమాలను చేయడంలో బిజీగా ఉంది. చాలా కాలం క్రితమే మనం గ్రామీణ ప్రాంతాలను వదిలేశాం. ఇప్పుడు క్రమంగా టైర్-2, టైర్-3 నగరాలు, పట్టణాలను కూడా కోల్పోతున్నాం. ఇదే సమయంలో హిందీలోకి డబ్ అవుతున్న దక్షిణాది చిత్రాలు మెట్రోలు, నాన్ మెట్రోలను కూడా టార్గెట్ చేస్తున్నాయి.
‘బాహుబలి’, ‘కేజీఎఫ్’, ‘పుష్ప’ హిందీ చిత్రాలు ఇప్పటికే ఈ ప్రాంతాల్లో విజయవంతమయ్యాయి. ఇప్పుడు ‘ఆర్ఆర్ఆర్’ వస్తోంది. ఈ సినిమా ఎఫెక్ట్ బాలీవుడ్ పై భారీగా ఉంటుంది. వెయిట్ చేయండి’ అని తరణ్ ఆదర్శ్ ట్వీట్ చేశాడు. ఈ సినిమా ఇండియన్ బాక్సాఫీస్ ను తుపానుగా మార్చబోతోందని జోస్యం చెప్పారు. ఈయన ట్వీట్ ఇప్పుడు బాలీవుడ్ వర్గాల్లో హాట్ టాపిక్ అయ్యింది. ఈయన చెప్పిందే నిజమవుతుందా అని మాట్లాడుకోవడం మొదలుపెట్టారు.
‘ఆర్ఆర్ఆర్’లో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్ పాత్రలు పోషించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ కీలకపాత్రలు పోషించారు. కీరవాణి సంగీతమందించారు. డీవీవీ దానయ్య రూ.450 కోట్లతో నిర్మించారు. జనవరి 7న ప్రపంచవ్యాప్తంగా థియేటర్లలోకి రానుందీ.
