తెలంగాణ లో లాక్ డౌన్ ఫై కేసీఆర్ క్లారిటీ

దేశ వ్యాప్తంగా కరోనా, ఓమిక్రాన్ కేసులు పెరుగుతుండడం తో పలు రాష్ట్రాలు కేసుల కట్టడి కోసం పలు ఆంక్షలు మొదలుపెట్టారు. రాత్రి కర్ఫ్యూ తో పాటు స్కూల్స్ , షాపింగ్ మాల్స్ మూతవేసారు. ఈ క్రమంలో తెలంగాణ రాష్ట్రంలోనూ ఓమిక్రాన్ కేసులు పెరుగుతుండడం తో ప్రజలు ఖంగారుపడుతున్నారు. మిగతా రాష్ట్రాల మాదిరిగానే ఇక్కడ కూడా రాత్రి కర్ఫ్యూ కానీ లాక్ డౌన్ కానీ విదిస్తారేమో మాట్లాడుకుంటున్నారు. ఈ క్రమంలో ముఖ్యమంత్రి కేసీఆర్ ఈ వార్తల ఫై క్లారిటీ ఇచ్చారు.

దేశంలో కరోనా కేసులు పెరుగుతున్న నేపథ్యంలో వైద్య ఆరోగ్య శాఖపై సీఎం కేసీఆర్‌ సోమవారం ప్రగతి భవన్ లో ఉన్నతస్థాయి సమీక్షా సమావేశాన్ని నిర్వహించారు. ప్రస్తుతం లాక్‌డౌన్‌ అక్కర్లేదని అధికారులు నివేదిక ఇచ్చారని చెప్పిన కేసీఆర్​.. కరోనా దృష్ట్యా ప్రభుత్వాస్పత్రుల్లో మౌలిక వసతులు పటిష్టం చేయాలని ఆదేశించారు. ఆస్పత్రుల్లో పడకలు, పరీక్ష కిట్లు, మందులు సమకూర్చుకోవాలని స్పష్టం చేశారు. మిగతా నగరాల్లో బస్తీ దవాఖానాల ఏర్పాటుచేయాలని నిర్ణయం తీసుకున్నారు. ఈ సందర్భంగా ప్రతిఒక్కరూ మాస్కు తప్పనిసరిగా ధరించాలని సూచించారు.

అలాగే రాష్ట్రంలోని అన్ని విద్యా సంస్థలకు ఈ నెల 8 తేదీ నుంచి 16 తేదీ వరకు సెలవులు ఇవ్వాలని సీఎం కేసీఆర్ ఆదేశించారు. అయితే ఈ సెలవుల్లోనే సంక్రాంతి సెలవులు కూడా ఇచ్చినట్టే. అంతేకాకుండా ఈ సెలవుల ముగిసే లోపు కరోనా, ఒమిక్రాన్ కేసులు పెరిగితే సెలవులు మరిన్ని రోజులు పొడిగించే అవకాశం ఉంటుందని సమాచారం.