ఈ నెల 30న నా పెళ్లి..కాజల్
ముంబయిలో గౌతమ్ కిచ్లూని వివాహం చేసుకోబోతున్నాను
హైదరాబాద్‌: హీరోయిన్ కాజల్ అగర్వాల్ తన పెళ్లి గురించి అధికారికంగా ప్రకటన చేసింది. ముంబయిలో స్థిరపడ్డ బడా వ్యాపారవేత్త గౌతమ్ కిచ్లు అనే వ్యక్తిని వివాహం చేసుకోబోతున్నట్లు వస్తున్న వార్తలపై కాజల్ క్లారిటీ ఇచ్చింది. ‘నేను ఈ నెల 30న ముంబయిలో గౌతమ్ కిచ్లూని వివాహం చేసుకోబోతున్నానని చాలా సంతోషంతో చెబుతున్నాను. మా దగ్గరి బంధువులతో కలిసి ఈ వివాహ వేడుక నిరాడంబరంగా జరగనుంది. ఈ కరోనా మహమ్మారి మన సంబరాలను పూర్తిస్థాయిలో జరుపుకోనివ్వకుండా చేసింది’ అని ఆమె ట్వీట్ చేసింది. ‘అయినప్పటికీ, కొత్త జీవితాన్ని ప్రారంభిస్తున్నందుకు మేము చాలా థ్రిల్‌గా భావిస్తున్నాము. మీరు కూడా ఇదే తీరుతో మాకు మద్దతు ఇస్తారని కోరుకుంటున్నాను. ఇన్నేళ్లుగా మీరు నాపై చూపిస్తోన్న ప్రేమ పట్ల కృతజ్ఞతలు చెప్పుకుంటున్నాను. ఈ కొత్త ప్రయాణాన్ని మొదలు పెడుతున్న నేపథ్యంలో మీ ఆశీర్వాదాలను మేము కోరుకుంటున్నాము. ఇకపై కూడా నా ప్రేక్షకులకు వినోదాన్ని పంచుతూనే ఉంటాను’ అని కాజల్ ట్వీట్ చేసింది.
కాగా కాజల్ ప్ర‌స్తుతం మెగాస్టార్‌ చిరంజీవి ఆచార్య, కమల్ హాసన్ ఇండియన్ 2ల‌లో న‌టిస్తుంది. వీటితో పాటు విష్ణు మోసగాళ్లు, జాన్ అబ్రహాంతో ఓ చిత్రంలోనూ ఆమె నటిస్తున్నారు.
తాజా జాతీయ వార్తల కోసం క్లిక్‌ చేయండి:https://www.vaartha.com/news/national/
