అమెరికాలో భారీగా ఉద్యోగాలను తొలగిస్తున్న కంపెనీలు

ఇప్పటివరకు 3.9 కోట్ల మంది ఉద్యోగుల తొలగింపు

అమెరికా: అమెరికాలో కరోనా మహమ్మారి ప్రభావంతో దేశ ఆర్థిక వ్యవస్థ తీవ్రంగా ప్రభావితమైన నేపథ్యంలో అనేక సంస్థలు భారీగా ఉద్యోగాల్లో కోత వేశాయి. దాని ఫలితమే ఇప్పటివరకు 3.9 కోట్ల మంది ఉద్యోగాలు కోల్పోయారు. అమెరికాలోని అనేక ప్రాంతాల్లో లాక్ డౌన్ ఎత్తేస్తున్నా, నిరుద్యోగ సమస్య అంతకంతకు తీవ్రమవుతోంది. కరోనా సంక్షోభంతో వాణిజ్య సంస్థలు, కార్యాలయాలు భారీగా ఉద్యోగులను తొలగించే ప్రక్రియ ఇప్పటికీ కొనసాగుతోంది. అమెరికా కార్మిక శాఖ వద్ద నమోదవుతున్న నిరుద్యోగల సంఖ్యే అందుకు నిదర్శనం. కరోనా సంక్షోభం మొదలయ్యాక అమెరికా కార్మిక శాఖ వద్ద 3.86 కోట్ల మంది నిరుద్యోగులుగా తమ పేర్లు నమోదు చేయించుకున్నారు. జూన్ నాటికి అమెరికాలో నిరుద్యోగ సమస్య గరిష్టంగా 25 శాతం వరకు పెరిగే అవకాశం ఉందని భావిస్తున్నారు.

తాజా కెరీర్‌ వార్తల కోసం క్లిక్‌ చేయండి:https://www.vaartha.com/specials/career/