మద్యానికి బానిసై ఫ్లైఓవర్ పై నుంచి దూకి ఓ వ్యక్తి ఆత్మహత్య
మద్యానికి బానిసై ఓ వ్యక్తి ఫ్లైఓవర్ పై నుంచి దూకిన ఘటన బాలానగర్ఫ్లై ఓవర్ వద్ద చోటుచేసుకుంది. ఎస్ఆర్నగర్లోని బాపునగర్కు చెందిన భూక్యా అశోక్(36) మొదటి భార్య అనారోగ్యంతో చనిపోయింది. కొంతకాలం తర్వాత రుక్సానాబేగం అనే మహిళను వివాహం చేసుకున్నాడు. వెల్డింగ్ పనిచేసే అశోక్ మద్యానికి బానిసయ్యాడు. రోజు తాగొచ్చి భార్యను వేధించేవాడు. చనిపోతానని బెదిరించేవాడు.
సోమవారం ఉదయం 6 గంటలకే మద్యం తాగి వచ్చి భార్య రుక్సానా బేగంను కొట్టాడు. ఈ తర్వాత చనిపోతానని చెప్పి మద్యం మత్తులో ఇంట్లో నుంచి బయటికి వెళ్లాడు. మధ్యాహ్నం 1.30 గంటలకు బాలానగర్ఫ్లై ఓవర్ పైనుంచి కిందకు దూకాడు. తీవ్రంగా గాయపడ్డ అశోక్ను గాంధీకి తరలించారు. అప్పటికే అతడు చనిపోయినట్లు డాక్టర్లు తెలిపారు. ఈ ఘటన ఫై పోలీసులు కేసు నమోదు చేసారు.