రంగ్ దే ఫ్లాప్‌కు కారణం నిజంగా అదేనా?

రంగ్ దే ఫ్లాప్‌కు కారణం నిజంగా అదేనా?

యంగ్ హీరో నితిన్, అందాల భామ కీర్తి సురేష్ జంటగా దర్శకుడు వెంకీ అట్లూరి తెరకెక్కించిన ‘రంగ్ దే’ చిత్రం గతవారం రిలీజ్ అయిన సంగతి తెలిసిందే. ఈ సినిమాపై చిత్ర యూనిట్ భారీ నమ్మకం పెట్టుకుంది. రిలీజ్‌కు ముందే ఈ సినిమాకు మంచి బజ్ క్రియేట్ కావడంతో ప్రీ-రిలీజ్ బిజినెస్ కూడా బాగానే జరిగింది. అయితే రిలీజ్ తరువాత ఈ సినిమాకు మిక్సిడ్ టాక్ రావడంతో పాటు ఈ సినిమాకు నెగెటివ్ టాక్ వచ్చింది.

దీంతో రంగ్ దే చిత్రాన్ని చూసేందుకు ఆడియెన్స్ ఎవరూ ఆసక్తి చూపలేదు. కాగా ఈ సినిమా కలెక్షన్లు కూడా అంతంత మాత్రంగా నమోదు కావడంతో ఈ సినిమా ఫ్లాప్ దిశగా వెళ్తోంది. ఇక ఈ శుక్రవారం నాడు బాక్సాఫీస్ వద్ద వరుసగా సినిమాలు రిలీజ్ కానుండటంతో రంగ్ దే పరిస్థితి అయోమయంగా మారింది. అయితే ఈ సినిమా ఫెయిల్యూర్ కావడానికి ముఖ్య కారణం కోవిడ్ పరిస్థితి అని అంటున్నారు చిత్ర యూనిట్. ప్రస్తుతం కోవిడ్ కేసుల సంఖ్య కూడా భారీగా పెరుగుతుండటంతో ఈ సినిమాను చూసేందుకు ఆడియెన్స్ ఎవరూ థియేటర్లకు రావడం లేదని రంగ్ దే చిత్ర యూనిట్ అంటోంది.

అయితే ఈ సినిమాలో కథ రొటీన్ కావడంతోనే ప్రేక్షకులు ఈ సినిమాను రిజెక్ట్ చేశారని, కోవిడ్ పరిస్థితులు ఉన్నా ప్రేక్షకులు సినిమాలు చూసేందుకు వస్తున్నారని, కథ బాగాలేకపోతే వారు సినిమాను ఆదరించరని విమర్శకులు అంటున్నారు. ఏదేమైనా సినిమా ఫెయిల్ కావడానికి కోవిడ్‌ను కారణంగా చూపించడం సరైనది కాదని పలువురు అభిప్రాయ పడుతున్నారు.