TSPSC పేపర్ లీకేజీ కేసు సిట్కు అప్పగించడం ఫై బండి సంజయ్ ఫైర్
TSPSC పేపర్ లీకేజీ ఘటన తెలంగాణ వ్యాప్తంగా సంచలనం గా మారింది. దీనికి పాల్పడిన నిందితులను అదుపులోకి తీసుకోగా …ఈ ఘటన ను సీరియస్ గా తీసుకున్న రాష్ట్ర ప్రభుత్వం ఈ కేసును సీట్ కు బదిలీచేశారు. ప్రభుత్వం ఈ కేసును సీట్ కు బదిలీచేయడం పట్ల బీజేపీ రాష్ట్ర అధ్యక్షులు బండి సంజయ్ ఆగ్రహం వ్యక్తం చేసారు.
ఈ కేసును నీరుగార్చేందుకే సిట్కు అప్పజెప్పారని మండిపడ్డారు. ఇప్పటికే సిట్కు అప్పగించిన నయీం కేసు, డ్రగ్స్ కేసు, డేటా చోరీ.. ఇలా సిట్కు అప్పగించిన కేసులన్నీ నీరుగారిపోయాయని ఆరోపించారు. ఈ కేసులో సమగ్ర విచారణ జరిపి దోషులను శిక్షించాల్సిన అవసరం ఉందని అభిప్రాయపడ్డారు. సిట్టింగ్ జడ్జితో విచారణ జరిపితేనే వాస్తవాలు వెలుగులోకి వస్తాయని బండి సంజయ్ అన్నారు.
అలాగే పేపర్ లీకేజీ వ్యవహారంపై టీఎస్పీఎస్సీ కార్యాలయం ఎదుట ఆందోళన చేసిన బీజేవైఎం కార్యకర్తలపై నాన్ బెయిలబుల్ కేసులు పెట్టి అరెస్ట్ చేయడాన్ని తీవ్రంగా ఖండించారు. నిరుద్యోగుల జీవితాలతో చెలగాటమాడుతున్న వారిని వదిలేసి న్యాయం కోసం పోరాడుతున్న బీజేవైఎం కార్యకర్తలను అరెస్ట్ చేయడమేంటని ప్రశ్నించారు.
