గూగుల్ ప్లే స్టోర్ నుంచి పేటీఎం యాప్ తొలగింపు
న్యూఢిల్లీ: ప్రముఖ డిజిటల్ చెల్లింపుల సంస్థ పేటీఎం యాప్ శుక్రవారం గూగుల్ ప్లే స్టోర్ నుంచి తొలగించబడింది. పేటీఎం ఫర్ బిజినెస్, పేటీఎం మనీ, పేటీఎం మాల్, తదితర కంపెనీ యాజమాన్యంలోని అన్ని ఇతర యాప్లు కూడా ప్లే స్టోర్లో అందుబాటులో ఉన్నాయి. యాపిల్ యాప్ స్టోర్లో మాత్రం యాప్ను డౌన్లోడ్ చేసుకోవచ్చు. పేటీఎంతో పాటు పేటీఎం ఫస్ట్ గేమ్స్ను గూగుల్ తన ప్లే స్టోర్ నుంచి తొలగించింది. గ్యాంబ్లింగ్ గైడ్లైన్స్ ఉల్లంఘించడంతో గూగుల్ ఈ చర్యలు తీసుకున్నది.
ప్లే స్టోర్ నుంచి యాప్ తొలగించడంపై పేటీఎం ట్విటర్లో స్పందించింది. ‘కొత్త డౌన్లోడ్లు లేదా అప్డేట్ కోసం గూగుల్ ప్లే స్టోర్లో పేటీఎం ఆండ్రాయిడ్ యాప్ తాత్కాలికంగా అందుబాటులో లేదు. త్వరలోనే యాప్ మళ్లీ ప్లే స్టోర్లోకి వస్తుంది. యూజర్ల డబ్బు అంతా పూర్తిగా సురక్షితం. ఎప్పటిలాగే మీ పేటీఎం యాప్ను ఉపయోగించుకోవచ్చు’ అని పేర్కొంది. పేటీఎంకు 5కోట్లకు పైగా నెలవారీ యాక్టివ్ యూజర్లు ఉన్నారు.
తాజా అంతర్జాతీయ వార్తల కోసం క్లిక్ చేయండి:https://www.vaartha.com/news/international-news/