మహిళా దినోత్సవం కవిత

మహిళ

ఆడదంటే
దుర్మార్గులను
ఎదిరించే శక్తి స్వరూపిణి అన్యాయాన్ని ఎదిరించే
ఆది శక్తి
తన లక్ష్యం నెరవేర్చుకొనే
చేతన్య దీప్తి
కష్టాలను కూడా ఇష్టాలుగా
స్వీకరించే సహన మూర్తి
ప్రేమానురాగాలు పంచి పెట్టె
కరుణామహి
తన శక్తి సామర్ధ్యాలతో
ఎందరికో స్ఫూర్తిని ఇస్తుంది
మహిళగా లోకాన్ని మేలుకొలిపే ధీరురాలు
ఆడదంటే అబల కాదు సబల అని
తన కీర్తిని దేశ దేశాలకు
చాటుకొనే వీర వనిత
నిరంతరం శ్రమిస్తూ
కుటుంబ భారాన్ని మోసే యంత్రం
ఆడదంటే
అమ్మా అని పిలిపించుకొనే మాతృమూర్తి
ఆడదంటేనే
అమ్మతనానికి నిలువెత్తు నిదర్శనం
ఆడదంటేనే
మరియొకరికి జన్మనిచ్చే దేవత
పూజించబడే లక్ష్మి
ఆరాధించే దైవం
ఎక్కడైతే
స్త్రీని గౌరవిస్తారో
అక్కడ ప్రతిరోజు
అంతర్జాతీయ మహిళా దినోత్సవమే

• అనిత దావత్‌

తాజా సినిమా వార్తల కోసం క్లిక్‌ చేయండి: https://www.vaartha.com/news/movies/