ఆనందంగా తినాలన్పించే కుకీస్‌
వెరైటీ వంటకాలు
కరోనాతో పిల్లలు ఇంటి దగ్గరే ఉంటున్నారు. కొత్త సంవత్సరం కూడా వచ్చేసింది. వారికి ఏదో ఒకటి చేయాలిగా.. సరదాగా బిస్కెట్స్‌ చేసి..అందరూ ఆనందంగా తింటే బావుంటుందేమో కదా. ప్రయత్నించి చూడండి.
గోధుమ కుకీస్‌
కావలసినవి :
గోధుమ పిండి-అర కప్పు, కరిగించిన నెయ్యి/ వెన్న-3 స్పూన్లు ఉప్పు- చిటికెడు, పంచదార/ బెల్లంపొడి-2 టేబుల్‌ స్పూన్లు, వెనిలాఎసెన్స్‌
అరటీ స్పూన్లు
తయారు చేయువిధానం : – ప్రెజర్‌ కుకర్‌ లేదా మందపాటి అడుగు ఉన్న పాత తీసుకోవాలి. – ఒక పొరలాగ ఉప్పు లేదా ఇసుక వేసి, దాని మీద స్టాండు అమర్చలి
- ముందుగా కుకర్‌ను పెద్ద మంట మీద పది నిమిషాలు వేడి చేయాలి. – ఒక పాత్రలోకి కరిగించిన నెయ్యి, పంచదార లేదా బెల్లం పొడి, వెనిలా ఎసెన్స్‌, ఉప్పు తీసు కుని బాగా కలపాలి గోధుమ పిండి జత చేసి మరోమారు కలిపి, మైత పెట్టి, పది నిమిషాలు ఫ్రిజ్‌లో ఉంచాలి
- మిశ్రమాన్ని బయటకు తీసి, సమాన పరిమాణంలో ఉండల చేసి చేతితో గుండ్రంగా అదమాలి (కావాలనుకుంటే ఫోర్క్‌ సహాయంతో డిజైన్‌ గీసుకోవచ్చు) – అల్యూమినియం పాత్రకు నెయ్యి లేదా వెన్న పూయాలి. – తయారు చేసి ఉంచుకున్న కుకీలను ఇందులో దూరం దూరం ఉండాలి
- మంట బాగా తగ్గించి, పదియేను నిమిషాల తరువాత స్టౌ మీద నుంచి దించేయాలి. – పది నిమిషాల తరవాత కుకర్‌ మూత తీయాలి. –
- కుకీలను జాగ్రత్తగా బయటకు తీసి, గ్రిల్‌ వంటి దాని మీద జాగ్రత్తగా ఆరబెట్టాలి – పూర్తిగా చల్లారిన తరు వాత కుకీలను గాలిచొరని డబ్బాలో భద్రపరచాలి.
క్యారట్‌ ఆపిల్‌ కుకీస్‌
కావలసినవి : మైదాపిండి- 2 కప్పులు, బేకింగ్‌ పౌడర్‌-టీ స్పూను, ఉప్పు-అటీ స్పూను, అల్లంముద్ద – టీ స్పూను, జాజికాయ పొడి – చిట ికెడు, బటర్‌ (ఉప్పులేనిది)- ముప్పావు కప్పు, పంచదార-అర కప్పు కంటె కొద్దిగా ఎక్కువ, బ్రౌన్‌ సుగర్‌-పావు కప్పు, కొడిగుడ్డు-1, వెనిలా ఎసెన్స్‌- అర టీ స్పూను, క్యారట్‌ తురుము-కప్పు, ఆపిల్‌ తురుము- అరకప్పు.
తయారీ : ఒక పాత్రలో మైదా పిండి, బేకింగ్‌ పౌడర్‌, ఉప్పు, అల్లం ముద్ద, దాల్చినచెక్క పొడి, జాజికాయపొడి వేసి బాగా కలపాలి. – మరో పాత్రలో బటర్‌వేసి మెత్తగా అయ్యేలా గిలకొట్టాలి పంచదార, బ్రౌన్‌ సుగర్‌ జత చేసి మరో రెండు నిమిషాల సేపు గిలకొట్టాలి. – కోడి గుడ్డుసొన జత చేసి మరో మారు గిలకొట్టాక, వెనిలా ఎసెన్స్‌ జత చేసి బాగా కలపాలి
చివరగా మైదా పిండి మిశ్రమం జతచేసి నెమ్మదిగా గిలకొడుతూ మిశ్రమం మెత్తగా గట్టిగా వచ్చేలా చేయాలి. – రబ్బర్‌ స్పూన్‌తో కలుపుతూ క్యారట్‌ తురుము, ఆపిల్‌ తురుము కూడా జతచేసి మిశ్రమం అంతా బాగా కలిసేలా చేయాలి. – గుండ్రంగా కట్‌చేసి, వేడి చేసి ఉంచుకున్న కుకర్‌లో ఉంచి సుమారు ఇరవై నిమిషాలు సన్నని మంట మీద ఉంచి, దించేయాలి.- చల్లారిన తరవాత ప్లేట్లోకి తీసుకుని, మరింత చల్లారాక గాలిచొరని డబ్బాలోకి తీసుకోవాలి.
తాజా బిజినెస్‌ వార్తల కోసం: https://www.vaartha.com/news/business/
