దమ్ముంటే కేంద్ర ప్రభుత్వాన్ని పడగొట్టి చూపించాలని కేసీఆర్ కు బండి సంజయ్ సవాల్
దమ్ముంటే.. కేంద్ర ప్రభుత్వాన్ని పడగొట్టి చూపించాలని కేసీఆర్ కు సవాల్ విసిరారు బిజెపి రాష్ట్ర అధ్యక్షుడు బండి సంజయ్. శనివారం రాత్రి మీడియా సమావేశంలో మాట్లాడుతూ..కేసీఆర్ ఫై , టిఆర్ఎస్ పార్టీ ఫై విమర్శలు చేసారు. టీఆర్ఎస్ ప్రభుత్వంలోని మంత్రులు, ఎమ్మెల్యేలు ఎటెటో పోతున్నరట.. రాష్ట్ర ప్రభుత్వం వెంటిలేటర్ లో ఉంది. దాన్ని కాపాడుకోవడంపై కేసీఆర్ దృష్టిపెడితే మంచిది అని సంజయ్ అన్నారు. రాష్ట్రపతి ఎన్నికలను అగౌరవపరిచేలా సీఎం కేసీఆర్ నడుచుకుంటున్నారని బండి సంజయ్ మండిపడ్డారు.
‘‘యశ్వంత్ సిన్హా గెలిచేది లేదు.. ఏం లేదు.. ర్యాలీలతో ఆర్భాటం చేయడం అవసరమా? అదేమైనా గ్రామ సర్పంచ్ ఎన్నిక అనుకున్నవా కేసీఆర్ ?” అని వ్యాఖ్యానించారు. 370 ఆర్టికల్ రద్దు, ట్రిపుల్ తలాక్, అయోధ్య రామమందిర నిర్మాణం, పేదలకు ఇళ్లు, అన్నయోజన బియ్యం పంపిణీ, స్వచ్ఛ భారత్, గ్రామీణ సడక్యోజన వంటి పథకాలన్నీ మోడీ వల్లే జరిగాయని సంజయ్ గుర్తుచేశారు. పంజాబ్ పోయి రైతులకు రూ.3 లక్షలు ఇచ్చిన కేసీఆర్.. తెలంగాణ రైతులకు ఎందుకు సాయం చేయడం లేదని ఆయన ప్రశ్నించారు. రైతుల చేతులకు బేడీలు వేసిన రైతు ద్రోహి కేసీఆర్ అని కామెంట్ చేశారు. దమ్ముంటే.. కేంద్ర ప్రభుత్వాన్ని పడగొట్టి చూపించాలని కేసీఆర్ కు సవాల్ విసిరారు.
