టాప్‌టెన్‌ జాబితాల్లో జమ్మికుంట పోలీస్‌స్టేషన్‌
భారత్‌లో టాప్10లో నిలిచిన తెలంగాణలోని పోలీస్ స్టేషన్.. జాబితా విడుదల చేసిన కేంద్రం
హైదరాబాద్‌: భారత్‌లో మెరుగైన ప్రతిభను కనబురుచుతూ సమర్థవంతంగా విధులు నిర్వహిస్తోన్న పోలీస్ స్టేషన్లలో జాబితాలో తెలంగాణలోని కరీంనగర్ జిల్లా జమ్మికుంట పోలీస్ స్టేషన్ టాప్10లో నిలిచింది. 2020 ఏడాదికి సంబంధించిన ఈ జాబితాను కేంద్ర హోంశాఖ విడుదల చేసిందని ప్రెస్ ఇన్ఫర్మేషన్ బ్యూరో తెలిపింది. ప్రతి ఏడాది కేంద్ర హోం శాఖ ఈ జాబితాను విడుదల చేస్తుంది. అన్ని విభాగాల్లో పోలీస్ స్టేషన్ల పనితీరును పరిశీలించి ఈ ర్యాంకులు ఇస్తారు.
పోలీస్ స్టేషన్లకు ప్రతి ఏడాది ఈ ర్యాంకులు ఇవ్వాలని 2015లో ప్రధానమంత్రి నరేంద్ర మోదీ తీసుకున్న నిర్ణయం మేరకు కేంద్ర ప్రభుత్వం ఈ ర్యాంకులు విడుదల చేస్తోంది. దేశంలోని 16,671 పోలీసు స్టేషన్ల పనితీరుని పరిశీలించి ఈ ర్యాంకులు ఇస్తారు. చివరకు ప్రతి రాష్ట్రం నుంచి ఒకటి లేదా రెండు పోలీసు స్టేషన్లు జాబితాలో నిలుస్తాయి. వాటిల్లో టాప్10 పోలీస్ స్టేషన్ల జాబితాను విడుదల చేస్తారు.
ఈ ఏడాది టాప్10 పోలీస్ స్టేషన్లు..
1.మణిపూర్ తౌబల్ నాంగ్‌పోక్ జిల్లాలోని సెక్మయి
- తమిళనాడు సేలం జిల్లాలోని ఏడబ్ల్యూపీఎస్ సురమంగళం
- అరుణాచల్ ప్రదేశ్ చాంగ్లాంగ్ జిల్లాలోని ఖర్సాంగ్ పోలీస్ స్టేషన్
- ఛత్తీస్‌గఢ్ సూరజ్‌పూర్ జిల్లాలోని జిల్మిలి (భయ థానా) స్టేషన్
- గోవాలోని దక్షిణ గోవా జిల్లాలోని సాంగుమ్ స్టేషన్
- అండమాన్ అండ్ నికోబార్ దీవుల్లో ఉత్తరమధ్య అండమాన్ జిల్లాలోని కలిఘాట్ పోలీసు స్టేషన్
- సిక్కిం తూర్పు జిల్లాలోని పాక్యాంగ్ స్టేషన్
- ఉత్తర ప్రదేశ్ మొరాదాబాద్ జిల్లాలోని కాంత్ స్టేషన్
- దాద్రా నగర్ హవేలిలోని దాద్రా అండ్ నగర్ హవేలి ఖాన్వెల్ స్టేషన్
- తెలంగాణ కరీంనగర్ జిల్లాలోని జమ్మికుంట నగర పోలీస్ స్టేషన్
తాజా అంతర్జాతీయ వార్తల కోసం క్లిక్‌ చేయండి:https://www.vaartha.com/news/international-news/
