తెలంగాణలో పడిపోయిన టిడిపి నామినేషన్లు

మున్సిపల్‌ ఎన్నికలకు టిడిపి తరపున అతి తక్కువ నామినేషన్లు

Telugu Desam Party
Telugu Desam Party

హైదరాబాద్‌: తెలంగాణలో ఈ నెల 22న మున్సిపల్ ఎన్నికలు జరగనున్న విషయం తెలిసిందే. అయితే ఈ ప్రక్రియలో టిడిపి తరపున అత్యంత తక్కువ నామినేషన్లు పడటం ఇదే తొలిసారి. టిఆర్‌ఎస్‌, కాంగ్రెస్, బిజెపి తో పాటు టిడిపి, వామపక్ష పార్టీల అభ్యర్థుల నామినేషన్లు సమర్పించడం ఇప్పటికే ముగిసింది. ఉమ్మడి రాష్ట్రంలో గ్రేటర్ హైదరాబాద్ సహా శివారు ప్రాంతాల్లో కీలకంగా ఉన్న టీడీపీ పరిస్థితి ఇప్పుడు ఆవిధంగా లేదు. అందుకు నిదర్శనం, ఆ పార్టీ తరఫున దాఖలైన నామినేషన్ల సంఖ్యే, తెలంగాణలో టీడీపీ తరఫున నామినేషన్లు వేసిన వారి సంఖ్య ఆశ్చర్యం కలుగుతోంది. చాలా చోట్ల దాఖలైన నామినేషన్ల సంఖ్య సింగిల్ డిజిట్ కే పరిమితం కాగా, కొన్ని చోట్ల మాత్రం డబుల్ డిజిట్ లో ఉన్నాయి.

తాజా ఆంధ్రప్రదేశ్‌ వార్తల కోసం క్లిక్‌ చేయండి:https://www.vaartha.com/andhra-pradesh/