నవరూపాల ఆదిశక్తి పండుగ

Lord Kanaka Durga
Lord Kanaka Durga

మనదేశంలో అనేకజాతి మత సంప్రదాయాలకు సంబంధించిన ప్రజలు నివసిస్తున్నారు. భారతీయ సంస్కృతిలోని ఘనత ఏమంటే భిన్నత్వంలోని ఏకత్వం. ఏకత్వాన్ని, సంస్కృతీ సంప్రదాయాలను నిలబెట్టి, మానవ్ఞలలో ఐకమత్వం ఆనందోత్సాహాలను వెల్లివిరిసేటట్లు చేసేవే పండుగలు, ముఖ్యంగా మన పండుగలకు మాస తిధులకు అవినాభావ సంబంధముందనుట సత్యదూరము కాదు. మొట్టమొదట పండుగ అనేది తెలుగు పదంగా ఉచ్చరింపబడుతున్నా అది ఎలా వచ్చిందో చూద్దాం. పండా – ఆత్మ విషయమైన మతి (బుద్ధి) దేనిచేత పొందబడుతుందో అది పండుగ అనబడుతుంది. కాల క్రమేనా వ్యవహారికంగా అది పండుగగా మారింది. అజ్ఞాన అంధకారాన్ని పోగొట్టి ఆత్మజ్ఞానం పొందించడ మే పండుగల ఆంతర్యం. మనదేశంలో పలు విధాలైన పండుగలున్నాయి. నవరాత్రులనేవి మూడు విధాలుగా వస్తాయి. చైత్రమాసంలో శుద్ధ నవమి వరకు శ్రీరామ నవమి ఉత్సవాలు జరుగుతాయి. వీటిని వసంత రాత్రులని శ్రీరామ నవరాత్రి వసంతోత్సవాలని
(శ్రీరామ నవ రాత్రులని) అంటారు. రామచంద్రుడు అవతరించినది చైత్రమాసమనే పద్ధతిలో ఆనవరాత్రు లు ప్రసిద్ధి చెందాయి. భాద్రపదమాసంలో రెండవ నవరాత్రులకు ఆగమనం. వీటిని గణపతి నవరాత్రు లంటారు.భాద్రపద శుద్ద చతుర్థిని వినాయక చతుర్థి (వినాయక చవితి)గా పిలుస్తారు. ఇది వినాయకునికి సంబంధించిన నవరాత్రులు,ఇట్లే మూడవనవరాత్రులు ఆశ్వయుజమాసంలో వస్తాయి. ఆశ్వయుజ మాసంలో శుద్ద (శుక్ల) పాడ్యమి మొదలుకొని దశమి వరకు పర్వ దినంగా జరుప్ఞకోవటం ఆనవాయితిగా వస్తుంది. ఇదే విజయదశమిగా వ్యవహరింపబడింది. ఈ తొమ్మిది రాత్రులను దేవీనవరాత్రులని, శరన్నవరాత్రులని పిలు స్తుంటారు. తొమ్మిది రోజుల పిమ్మట పదవ రోజు అగు దశమినాడు పలువిధాలుగా ఉత్సవ కార్యక్రమా లు, దేవీ అలంకరణ, నిమజ్జనాదులు, జమ్మికొట్టుట మొదలైన కార్యక్రమాలు ఆయాప్రాంతాల వారీగా జరుగుతాయి. ఋతువ్ఞల్లో ప్రశాంత వాతావరణం భూమి నిర్మలత్వంలో నుండి ఆహ్లాదం ఉత్సాహం కలిగించేది శరదృతువ్ఞ. రాజులు జైత్రయాత్రలు చెయ్యటానికి అనువయిన సమయమిదే. ఋష్యాదులు తీర్థయాత్రలు కూడా చేస్తారు. ఈ విషయాలు కాళిదాసాది కవ్ఞలు వారి, కావ్యాల్లో పలు విధాలుగా వర్ణించారు. ఇవి ఆశ్వయుజ మాసంలో గల శరదృతువ్ఞలోనే జరుగుతాయి. కాబట్టి శరదృతువ్ఞలో తొమ్మిది రోజులపాటు అంటే ఆశ్వయుజ శుద్ధ ప్రతిపత్తు (పాడ్యమి) నుండి నవమి వరకు దేవిని నవరాత్రులలో అర్చించి పూజించడం గొప్ప సాంప్రదాయం. అంతేకాకుండా ఆశ్వయుజ శుక్లపక్ష దశమీ తిధి యొక్క సంధ్యా సమాయాన్ని విజయ అంటారు. విజయదశమిలో గల శమీవిషయం పరిశీ లిద్దాం. గ్రామాల్లో, పల్లెల్లో పట్టణాల్లో గల జనసమూహం పండుగ రోజున శమీ వృక్షమును- జమ్మి చెట్టును మేళతాళాలతో మంగళ వాయిద్యా లతో అర్చిస్తారు. శమీ అనగ జమ్మిచెట్టు అని అర్థం. (వైదిక పరంగా దీనిని అరణి – అనే పేరుతో పిలుస్తారు. కాబట్టి ప్రాచీన కాలం నుంచి శవిూ వృక్షం పూజాస్థాన మయింది. వివిధ ప్రదేశాల్లో ఈ పండుగనాడు ఈ క్రింది శ్లోకం రాసుకొని జమ్మిచెట్టుకు ప్రదక్షిణం చేస్తూ పఠిస్తారు.

తాజా నాడి వార్తల కోసం క్లిక్‌ చేయండి: https://www.vaartha.com/specials/health1/