యూట్యూబ్ లో వ్యూస్ తో రికార్డ్స్ బ్రేక్ చేస్తున్న ‘ఊ అంటావా..’ ఫుల్ వీడియో సాంగ్
‘ఊ అంటావా మావ.. ఊఊ అంటావా..’ ఫుల్ వీడియో సాంగ్ వచ్చేయడమే కాదు యూట్యూబ్ లో భారీ వ్యూస్ తో కుమ్మేస్తుంది. ఐకాన్ స్టార్ అల్లు అర్జున్- సుకుమార్ కాంబినేషన్ లో వచ్చిన బ్లాక్ బస్టర్ మూవీ పుష్ప. అల్లు అర్జున్ కెరియర్ లో మొదటిసారి పాన్ ఇండియా సినిమాతో డిసెంబర్ 17 న ప్రేక్షకుల ముందుకు వచ్చాడు. క్రియేటివ్ డైరెక్టర్ గా పేరు తెచ్చుకున్న సుకుమార్ దర్శకత్వం వచ్చిన పుష్ప సినిమా రెండు భాగాలుగా ప్రేక్షకుల ముందుకు రానుంది. ఈ క్రమంలో రీసెంట్ గా మొదటి పార్ట్ పుష్ప ది రైజ్ ని విడుదల చేశారు. భారీ అంచనాల మధ్య ప్రేక్షకుల ముందుకు వచ్చిన ఈ మూవీ మొదటి రోజు మొదటి షో తోనే బ్లాక్ బస్టర్ హిట్ టాక్ సొంతం చేసుకొని భారీ కలెక్షన్లు రాబట్టింది.
ఈ సినిమాలో బన్నీ స్మగ్లర్ గా ..ఊర మాస లుక్ లో కనిపించి ఆకట్టుకున్నాడు. ఇక పుష్పలో బన్నీకి జోడీగా రష్మిక మందన్న నటించింది. గ్రామీణ యువతిగా అమ్మడి నటన అందరిని అలరించింది. ముఖ్యంగా సమంత ఈ సినిమాలో స్పెషల్ సాంగ్ లో చిందులేసి సినిమాకే హైలైట్ గా నిలిచింది.‘ఉ అంటావా.. ఉ ఊ అంటావా మామ అంటూ అదిరిపోయే స్టెప్స్ తో అందరి చేత ఉ ఊ అనిపించింది. ఇక ఈ ఫుల్ వీడియో సాంగ్ శుక్రవారం సాయంత్రం యూట్యూబ్ లో విడుదల కాగా..విడుదల చేసిన నిమిషాల్లోనే మిలియన్ వ్యూస్ రాబట్టి రికార్డ్స్ లోకి ఎక్కింది. ఇక ప్రస్తుతం ఈ మూవీ ఓటీటీ ‘అమెజాన్‌ ప్రైమ్‌’లో స్ట్రీమింగ్‌ అవుతోంది.
