నేను ఆడాల్సిన క్రికెట్‌ చాలా ఉంది : పొలార్డ్‌….

Kieron Pollard mumbai indians
Kieron Pollard

ముంబయి: ఐపిఎల్‌లో చాలా రోజుల తర్వాత ముంబయి హిట్టర్‌ కీరన్‌ పొలార్డ్‌ మళ్లీ బ్యాట్‌ ఝుళిపించాడు. పంజాబ్‌ వాంఖడే వేదికగా బుధవారం రాత్రి జరిగిన మ్యాచ్‌లో కీరన్‌ పొలార్డ్‌ (31బంతుల్లో 3ఫోర్లు, 10సిక్సులతో 83) విధ్వంసకర ఇన్నింగ్స్‌ ఆడటంతో 198 పరుగుల లక్ష్యాన్ని ముంబయి జట్టు ఆఖరి బంతికి ఛేదించేసింది. దీంతో…మ్యాచ్‌లో కీలక ఇన్నింగ్స్‌ ఆడిన పొలార్డ్‌కి మ్యాన్‌ ఆఫ్‌ ద మ్యాచ్‌ అవార్డు లభించింది. వాస్తవానికి ఐపిఎల్‌ 2018 సీజన్‌లో కీరన్‌ పొలార్డ్‌ పేలవ ఫామ్‌తో నిరాశపరిచాడు. గత ఏడాది 9 మ్యాచ్‌లాడిన పొలార్డ్‌ చేసింది 133 పరుగులే. దీంతో ఐపిఎల్‌ 2019 సీజన్‌కి అతడ్ని ముంబయి ఫ్రాంచైజీ వేలంలోకి విడిచిపెడుతుందని అంతా భావించారు. కానీ…పొలార్డ్‌ సామర్థ్యాన్ని విశ్వసించిన ముంబయి టీమ్‌….ఈ ఏడాది మళ్లీ అతడ్ని జట్టులో కొనసాగించింది. అంతేకాకుండా….పంజాబ్‌తో మ్యాచ్‌కి గాయంతో కెప్టెన్‌ రోహిత్‌ శర్మ దూరమవడంతో…అనూహ్యంగా పొలార్డ్‌కి కెపెటన్సీ బాధ్యతల్ని కూడా అప్పగించి సముచిత గౌరవం ఇచ్చింది.దీంతో…మ్యాచ్‌లో ఆఖరి ఓవర్‌ వరకు క్రీజులో నిలిచిన పొలార్డ్‌…జట్టుని విజయతీరాలకి చేర్చి ఔటవగా….చివరి బంతికి జోసఫ్‌ డబుల్‌ తీసి ముంబయిని గెలిపించాడు. తాజా సీజన్‌లో ఇప్పటికే ఆరు మ్యాచ్‌లాడిన పొలార్డ్‌ 194.56 స్ట్రైక్‌ రేట్‌తో 179 పరుగులు చేయడం విశేషం.దీనిపై పొలార్డ్‌ మాట్లాడుతూ…నా వయసు 31 ఏళ్లు…అయినప్పటికీ…నేను ఆడాల్సిన క్రికెట్‌ చాలా ఉంది. 2018 ఐపిఎల్‌ సీజన్‌లో నేను మెరుగైన ప్రదర్శన చేయలేకపోయా. కానీ….ముంబయి ఫ్రాంచైజీ నాపై నమ్మకం ఉంచి టీమ్‌తో కొనసాగించింది. పంజాబ్‌తో మ్యాచ్‌లో చివర్లో ఓ రెండు ఓవర్లని టార్గెట్‌ చేయాలని ముందే అనుకున్నా.మహ్మద్‌ షమీ, శామ్‌ కరన్‌ ఓవర్ల రూపంలో నాకు ఆ అవకాశం లభించింది. ప్రతిసారి 190పై చిలుకు స్కోర్లని ఛేదించడం సాధ్యంకాకపోవచ్చు. కానీ…పంజాబ్‌పై మాకు సాధ్యమైందని పొలార్డ్‌ వెల్లడించారు. తాజా సీజన్‌లో మెరుపు ఫీల్డింగ్‌తో ఆకట్టుకుంటున్న పొలార్డ్‌….తాజా ఇన్నింగ్స్‌తో ముంబయి టీమ్‌లో పొలార్డ్‌ హీరోగా మారిపోయాడు.

మరిన్నీ తాజా క్రీడా వార్తల కోసం క్లిక్‌ చేయండి :https://www.vaartha.com/news/sports