ఆ బాబాల‌ను ఉరి తీయాలిః రాందేవ్ బాబా

BABA RAMDEV PHOTO
Baba Ramdev

తమను తాము దైవం (గాడ్ మెన్) గా ప్రకటించుకునే బాబాలు చట్ట వ్యతిరేక కార్యకలాపాలకు పాల్పడితే క్షమించేందుకు వీలు దేని ప్రముఖ యోగా గురువు రాందేవ్ బాబా అభిప్రాయపడ్డారు. ఈ తరహాకు చెందిన ఓ బాబాపై అత్యాచార ఆరోపణలు తలెత్తిన విషయమై అడిగిన ప్రశ్నకు రాందేవ్ బాబా ఘాటుగా స్పందించారు. అటువంటి బాబాలు చట్టవ్యతిరేక కార్యకలాపాలకు పాల్పడుతున్నట్టు తేలితే వారిని ఉరితీయాలని అన్నారు. హద్దులు దాటి వ్యవహరించే వారిని జైలుకు పంపడమే కాదు, ఉరితీయాలని, ఈ విషయంలో ఎలాంటి రాజీ పడకూడదని అన్నారు. కాషాయం కట్టుకున్నంత మాత్రాన బాబాలు అయిపోయారని, మతనాయకుడికి కాషాయం కట్టుకోవడమే ప్రాతిపదిక కాదని, గుణగణాలు ముఖ్యమని చెప్పారు.