భారత్ కు చైనా హెచ్చరిక!

  • భారత కంపెనీలపై ప్రతీకార చర్యలు తప్పవన్న చైనా
Huawei-china -india
Huawei-china -india

చైనా: చైనాకు చెందిన ప్రముఖ టెక్నాలజీ సంస్థ హువావేపై అమెరికా ఇప్పటికే నిషేధం విధించిన సంగతి తెలిసిందే. అయితే భారత్ లో త్వరలో ప్రారంభం కానున్న 5జీ టెక్నాలజీ అభివృద్ధి ప్రాజెక్టుల్లో కూడా చైనాకు చెందిన హువావేను అనుమతించకపోవచ్చని వార్తలు వచ్చాయి. దీంతో ఈ వ్యవహారంపై చైనా తీవ్రంగా స్పందించింది. ఒకవేళ భారత్ లో వ్యాపారం చేసుకోకుండా హువావేను అడ్డుకుంటే తాము కూడా ప్రతీకార చర్యలు చేపట్టాల్సి వస్తుందని చైనా హెచ్చరించింది.
కేంద్ర ఐటీ, న్యాయశాఖ మంత్రి రవిశంకర్ ప్రసాద్ ఇటీవల మీడియాతో మాట్లాడుతూ..ఖభారత్ లో త్వరలో చేపట్టనున్న 5జీ మొబైల్ నెట్ వర్క్ పనులకు సంబంధించి హువావేకు అనుమతి ఇవ్వాలా? లేదా? అనే విషయమై ఇంకా ఎలాంటి నిర్ణయం తీసుకోలేదుగ అని చెప్పారు.ఈ సందర్భంగా చైనాలో భారత రాయబారి విక్రమ్ మిస్త్రీని పిలిపించుకున్న చైనా విదేశాంగ శాఖ, హువావేపై నిషేధం విధించే చర్యలను తాము ఎంతమాత్రం సహించబోమని స్పష్టం చేసింది. ఒకవేళ హువావేపై నిషేధం విధిస్తే చైనా మార్కెట్ లోని భారతీయ కంపెనీలపై ప్రతీకార చర్యలు తీసుకోక తప్పదని సుతిమెత్తగా హెచ్చరించింది.


తాజా జాతీయ వార్తల కోసం క్లిక్‌ చేయండి:https://www.vaartha.com/news/national/