పాకిస్థాన్‌ ప్రభుత్వంపై మండిపడ్డా జూనియర్‌ భుట్టో

Bilawal Bhutto, Imran Khan
Bilawal Bhutto, Imran Khan

ఇస్లామాబాద్‌: పాకిస్థాన్‌ మాజీ ప్రధాని బెనజీర భూట్టో కుమారుడు బిలావల్‌ భుట్టో పాక్‌ ప్రధాని ఇమ్రాన్‌ ఖాన్‌పై మండిపడ్డారు. పాకిస్థాన్‌ను ప్రపంచానికి శత్రుదేశంగా మార్చేశారని ఆయన ఆరోపించారు. అయితే ఇండియా-పాకిస్థాన్‌ మధ్య నెలకొన్న పరిస్థితులపై ఆయన మాట్లాడారు. ఉగ్ర సంస్థలకు పాక్‌లో స్థానం ఉండబోదని ఇమ్రాన్‌ అన్న వ్యాఖ్యలపై స్పందించారు. పాకిస్థాన్‌తో క్రమంగా అన్ని దేశాలు సంబంధాలు తెంచుకుంటున్నాయి. ప్రధాని ఇమ్రాన్‌ తీసుకుంటున్న చర్యల వల్లే ఇదంతా. ఉగ్రవాద నియంత్రణకు చర్యలు తీసుకుంటుంటే ప్రపంచ దేశాలు పాక్‌పై ఎందుకు మండిపడుతున్నాయి? ఇమ్రాన్‌ ఖాన్‌ ప్రభుత్వంలోని ముగ్గురు మంత్రులకు నిషేధిత ఉగ్రవాద సంస్థలతో సంబంధాలున్నాయి.ఇండియాపాక్‌ మధ్య ఎప్పటి నుంచో ఉద్రిక్త పరిస్థితులు ఉన్నప్పటికీ ఈ మధ్య కాలంలో ఎందుకు ఎక్కువయ్యాయి? మీరు(ఇమ్రాన్‌) నిజంగా శాంతిని కోరుకుంటుంటే ముందు ప్రపంచ దేశాల ప్రశ్నలకు సమాధానం చెప్పండి. మీరు ఉగ్రవాద నియంత్రణ పట్ల నిజాయతీగా ఉన్నట్లయితే మేం చెప్పే మూడు విషయాలను తీవ్రంగా తీసుకోండి. ఖపార్లమెంట్ నేషనల్‌ సెక్యూరిటీ కమిటీని నియమించండిగ, ఖనిషేధిత ఉగ్రవాద సంస్థలకు మద్దతివ్వడం ఆపేయండి. లేదా వారికి దూరంగా ఉండండిగ, ఖ మీ మంత్రి వర్గంలో ఉండి నిషేధిత సంస్థలతో బంధాలు కొనసాగిస్తున్న వారిపై విచారణ జరిపి వారిని తొలగించండి.. ఈ మూడు చర్యలు ప్రభుత్వం తీసుకుంటే ఉగ్రవాద నియంత్రణకు పాక్‌ ప్రభుత్వం కృషి చేస్తుందని మాతో పాటు అందరూ నమ్ముతారుగ అని భుట్టో పేర్కొన్నారు.


మరిన్ని తాజా అంతర్జాతీయ వార్తల కోసం క్లిక్‌ చేయండి:https://www.vaartha.com/news/international-news/