భాతర జాలర్లను విడుదల చేసిన పాక్‌ కొత్త ప్రభుత్వం

FISHER MEN
FISHER MEN

కరాచి: కొత్తగా ఏర్పడబోయే ప్రభుత్వం తీసుకుంటున్న నిర్ణయాలలో భారత్‌తో సత్సంబంధాలు నెలకొనే విధంగా మంచి నిర్ణయాలు తీసుకుంటున్నది. అందులో భాగంగా అక్కడి జైళ్లలోని 26 మంది మత్స్యకారులను విడుదలచేయాలని నిర్ణయించుకున్నది. కొత్త పార్లమెంటు ఏర్పడగానే సత్ప్రవర్తన కలిగిన 26 మంది మత్స్యకారులను విడుదల చేస్తున్నట్లు ప్రకటించింది. పాకిస్తాన్‌ నదీజలాలలోకి చేపలుపట్టడానికి వెళ్లిన మత్స్యకారులను కాంట్‌ రైల్వే స్టేషన్‌ నుండి కరాచిలోని మాలిర్‌ జైలుకు అదేవిధంగా లాహోర్‌కు తరలించారని అంతర్జాతీయ నివేదిక తెలిపింది. భారత సరిహద్దు వాఘావద్ద వారిని అధికారులకు అప్పగిస్తారు. విడుదలైన భారత మత్స్యకారులను ప్రయాణ ఖర్చులను ఈదీ ఫౌండేషన్‌ భరిస్తుందని ఫౌండేషన్‌ అధికారి సాది ఈది తెలిపారు. పాకిస్తాన్‌, భారత్‌ మత్స్యకారులపై నిబంధనలను సడలించాయని ఇది అన్నారు. రెండు దేశాలకు సంబంధించి జాలర్లు పేదవారు కావడం వలన వారి మీద చర్యలు తీసుకోవద్దని నిర్ణయించాయన్నారు. పాకిస్తాన్‌ కొత్తగా ఎన్నికైన మెజారిటీ ప్రభుత్వం రేపు మొదటి పార్లమెంటరీ సమావేశాన్ని నిర్వహిస్తున్న సందర్భంగా మంచి నిర్ణయాలు తీసుకున్నది. ప్రధానంగా పొరుగుదేశంతో స్నేహభావంతో మెలగాలనుకుంటున్నది. కరాచీలోని పార్లమెంటు హౌస్‌లో దిగువ సభ జాతీయ అసెంబ్లీ మొదటి సమావేశానికి ఏర్పాట్లు పూర్తయినాయని పాకిస్తాన్‌ అధ్యక్షుడు మామ్నూన్‌ హుసేన్‌ అన్నారు. అరేబియా సముద్ర జలాలలో ఇరుదేశాల సరిహద్దులు తెలుసుకునేందుకు మత్స్యకారులకు సాంకేతిక పరిజ్ఞ్ఞానం లేనందున వారు తెలుసుకోలేకపోతున్నారని. చట్టం ప్రకారం అధికారులు వారిని చొరబాటుదారులుగా నెలలపాటు జైళ్లలో పెడుతున్నారు. ఈ విషయంపై భారత్‌, పాకిస్తాన్‌లలో ప్రభుత్వేతర సంస్థలు అరెస్టయిన మత్స్యకారుల విడుదలలో జాప్యం చేయవద్దని ఇరు దేశాలపై ఒత్తిడి తెస్తున్నాయి.