2020నాటికి మహీంద్రా బీఎస్‌-6 వాహనాలు

MandM
MandM

ముంబయి: వచ్చే సంవత్సరం రెండో త్రైమాసికంలోగా మహింద్రా అండ్‌ మహీంద్రా భారత్‌ స్టేజ్‌-6 నిబంధనలకు అనుగుణంగా వాహనాల మోడల్స్‌ను మార్కెట్లోకి ప్రవేశపెడతామని సంస్థ ఎండీ పవన్‌ గోయంకా తెలిపారు. అయితే కొత్త నిబంధలు డీజిల్‌ వాహనాలను మరింత ప్రియం చేయనున్నాయని ఆయన వ్యాఖ్యానించారు. 2020 ఏప్రిల్‌ 1 నాటికి పెట్రోల్‌, డీజిల్‌ రకాల వాహనాలు సిద్ధమైపోతాయని తెలిపారు. నాలుగు మీటర్లకు మించి పొడవు ఉన్న వాహనాలపై 50శాతం వరకు జీఎస్‌టీ పెరగవచ్చని.. ఈ పెంపు రూ.లక్షల వరకు ఉంటుందని గోయంకా తెలిపారు. చిన్న డీజిల్‌ వాహనాలపై రూ.80,000 వేల వరకు పెరుగుదల ఉంటుందని పేర్కొన్నారు. ఇక పెట్రోల్‌ మోడల్స్‌పై రూ20 వేల నుంచి రూ.25 వేల వరకు పెరుగుదల ఉండవచ్చన్నారు.


తాజా జాతీయ వార్తల కోసం క్లిక్‌ చేయండి:https://www.vaartha.com/news/national/