రూ.1000 కోట్ల బోగస్‌ క్లెయిమ్‌లు!

ఐజిఎస్‌టిలో ఎగుమతిదారులనిర్వాకం

GST
GST

న్యూఢిల్లీ: ఎగుమతుల పరంగా జిఎస్‌టి రాయితీలను అక్రమంగా లబ్దిపొందుతున్నట్లు టాస్క్‌ఫోర్స్‌ అధికారులు గుర్తించారు. మొత్తం 5106 మంది సమస్యాత్మక ఎగుమతిదారులు తమతమ క్లెయింలు అక్రమంగా చేసి రీఫండ్స్‌ పొందుతున్నట్లు కేంద్రం గుర్తించింది. సమీకృత జిఎస్‌టి రీఫండ్స్‌లో ఎగుమతిదారులు సుమారు 1000 కోట్లవరకూ లబ్దిపొందినట్లు తేలింది. మొత్తం 5106 మంది ఎగుమతిదారులు ఈ అవకతవకలకు పాల్పడినట్లు ప్రభుత్వం వెల్లడించింది. బోగస్‌ ఇన్వాయిస్‌లను దాకలుచేసి జిఎస్‌టి రీఫండ్‌లు పొందారని గుర్తించింది. కేంద్ర పరోక్షపన్నులబోర్డు కస్టమ్స్‌ బోర్డు సహేతుకమైన ఎగుమతిదారులకే రీఫండ్‌ క్లెయిలు వెళతాయని, ఆటోమేటెడ్‌ యంత్రాంగంలో వాటిని ప్రాసెస్‌చేయడం జరుగుతుందని వీటిని సమయానుకూలంగా రీఫండ్‌ ఇవ్వడంజరుగుతుందని వెల్లడించింది.

సిబిఐసి కస్టమ్స్‌, జిఎస్‌టి అధికారులకు ఈ ఎగవేత, బోగస్‌ క్లెయింలపై అప్రమత్తంచేస్తూ ఇన్‌పుట్‌ట్యాక్స్‌క్రెడిట్‌ను కొందరు ఎగుమతిదారులు అక్రమ మార్గాల్లో లబ్దిపొందుతున్నారనిచ వెంటనే కార్యాచరణ షురూచేయాలని సూచించింది. మొత్తం 5106మంది సమస్యాత్మక ఎగుమతిదారులను సైతం గుర్తించి ఆయా సర్కిళ్లకు పంపించింది. సుమారు 1.42 లక్షలమంది దేశంలో ఎగుమతిదారులు రీఫండ్‌ క్లెయిలు చేస్తుంటే వీరిలో ఐదువేలకుపైగా బోగస్‌ క్లెయిమ్‌లు చేస్తున్నట్లు తేలింది. బోగస్‌ క్లెయిమ్‌లు చేసినా వీరి ఎగుమతులను అనుమతిస్తూ వచ్చారు.

ఐటిసిని గరిష్టంగా 30రోజులపాటు పరిశీలించినతర్వాత మాత్రమే రీఫండ్‌ విడుదలవుతుందని వెల్లడించింది. కేవలం ఆటోమెటెడ్‌ విధానంలోనే కాకుండా దస్త్రాలవారీగా కూడా ఐజిఎస్‌టి రీఫండ్స్‌ఉ పరిశీలిస్తున్నట్లు వెల్లడించింది. జూన్‌17,18 తేదీల్లోనే 1436 షిపింగ్‌ బిల్లులు దాఖలయ్యాయని మొత్తం 925 మంది ఎగుమతిదారులు వీటిని దాఖలుచేసినట్లు తేలింది. సుమారు 20వేలకుపైగా షిప్పింగ్‌ బిల్లులు ఇప్పటివరకూ తొమ్మిదివేలమంది ఎగుమతిదారులు రోజువారి పద్దతిలో దాఖలుచేసారు. అయితే అధికారులపరిశీలన నిర్లక్ష్యంగా ఉందని సిబిఐసి హెచ్చరించింది.

కొత్తగా తనిఖీ విధానం ఎగుమతిదారులు ప్రభుత్వ సొమ్మును బోగస్‌ క్లెయిమ్‌లద్వారా సాధించేందుకు వీలులేని విధంగా జరుగుతుందని వెల్లడించింది. సిబిఐసి సిస్టమ్స్‌ డైరెక్టర్‌ జనరల్‌ వెంటనే ఇలాంటి సమస్యాత్మక ఎగుమతిదారులను గుర్తించి వారివివరాలను కేంద్రపన్నులవిభాగం చీఫ్‌ కమిషనర్‌కు పంపించాలని, అంతకుముందు జరిగిన ఐజిఎస్‌టి రీఫండ్స్‌ను కూడా పరిశీలించాలని ఆదేశించింది. కస్టమ్స్‌శాఖలో ఉన్న నష్టనివారణ కేంద్రం(ఆర్‌ఎంసిసి) ఎప్పటికప్పుడు ఈ రిస్క్‌ ఎగుమతిదారులగురించి హెచ్చరికలుచేస్తుందని, వీరి ఎగుమతులను నూరుశాతంప రిశీలించాలని ఆదేశించింది.

అవసరమైతే ఐజిఎస్‌టి రీఫండ్‌లను సైతం నిలిపివేసేందుకు హెచ్చరికలు జారీచేస్తుందని సిబిఐసి వివరించింది. ఎగుమతిదారులు ఐజిఎస్‌టి రీఫండ్స్‌ను రెండుమార్గాల్లో క్లెయిమ్‌చేస్తారు. బాండ్‌ లేదా ఎల్‌ఒయులసాయంతో చేసుకుంటారు. ఎగుమతుల సమయంలోనే వీటిని పూర్తిచేస్తారు. అంతేకాకుండా పేరుకుపోతున్న ఐటిసి అంటే ఇన్‌పుట్‌ట్యాక్స్‌ క్రెడిట్‌ను రీఫండ్‌చేయాలనికోరాతారు.

తాజా హీరోల ఫోటోగ్యాలరీల కోసం క్లిక్‌ చేయండి: https://www.vaartha.com/photo-gallery/actors/