చందాకొచ్చర్‌ను మళ్లీ ప్రశ్నించనున్న ఇడి

chanda kocchar
chanda kocchar


ముంబై: ఐసిఐసిఐ బ్యాంకు, వీడియోకాన మనీలాండరింగ్‌ కేసులో విచారణను ఎన్‌ఫోర్స్‌మెంట్‌ డైరెక్టరేట్‌(ఇడి) విస్తృతం చేయనుంది. ఈ కేసులో ఐసిఐసిఐ బ్యాంకు మాజీ సిఇఒ చందాకొచ్చర్‌తోపాటు బ్యాంకు ఉన్నతాధికారులను మరోసారి ప్రశ్నించనున్నట్లు ఇడి వర్గాలు వెల్లడించాయి. ఈ కేసులో చందాకొచ్చర్‌ ఆమె భర్త దీపక్‌ కొచ్చర్‌లను గత నెలలో ప్రశ్నించిన ఇడి వారి స్టేట్‌మెంట్‌లను నమోదు చేసింది. చందాకొచ్చర్‌ ఇచ్చిన సమాధానాలను ఇతర అధికారులను ప్రశ్నించి వారి సమాధానాలతో సరిపోల్చేందుకు ఇడి ప్రయత్నిస్తోంది. ఐసిఐసిఐ బ్యాంకుతో వీడియోకాన్‌ డీల్‌ గురించి పూర్తి సమాచారం రాబట్టేందుకు ఇడి కసరత్తు ముమ్మరం చేసింది. కాగా ఆరోగ్యపరమైన ఇబ్బందులు, కొన్ని వ్యక్తిగత కారణాలతో తనకు కొంత సమయం కావాలని కోరిన చందాకొచ్చర్‌ త్వరలోనే ఇడి ఎదుట హాజరుకానున్నారు. కాగా, ఈ కేసుకు సంబంధించి మనీలాండరింగ్‌చట్టం కింత చందాకొచ్చర్‌ ఆమె మరిది రాజీవ్‌ కొచ్చర్‌ల ఆస్తులను అటాచ్‌ చేసేందుకు ఇడి యోచిస్తోంది. ఐసిఐసిఐ బ్యాంకు వీడియోకాన్‌కు రుణాలు జారీచేసే క్రమంలో పెద్దమొత్తంలో బ్యాంకు చీఫ్‌ చందాకొచ్చర్‌ భర్త దీపక్‌ కొచ్చర్‌కు చెందాయని, అనుచిత లబ్ధిపొందాలనే అభియోగాలు నమోదైన సంగతి విదితమే.

తాజా హీరోల ఫోటోగ్యాలరీల కోసం క్లిక్‌ చేయండి: https://www.vaartha.com/photo-gallery/actors/