కేవలం ఒక్క ఫోటోతో బ్యాంకు ఖాతా తెరవొచ్చు!

SBI
SBI

ముంబై: బ్యాంకు అకౌంట్‌ ఓపెన్‌ చేయాలని భావిస్తున్నారా? అయితే ఈ విషయం మీరు తెలుసుకోవలసిందే. ఎలాంటి డాక్యుమెంట్లు లేకుండా కేవలం ఫోటోతో బ్యాంకు ఖాతా ప్రారంభించవచ్చు. ఎస్‌బిఐ ఈ సేవలు అందిస్తోంది. కేవైసి లేకుండా ఓపెన్‌ చేసే బ్యాంకు అకౌంట్లను స్మాల్‌ అకౌంట్లుగా పరిగణిస్తారు.18 ఏళ్లపైన వయసు కలిగినవారు ఈ బ్యాంకు అకౌంట్‌ను ప్రారంభించవచ్చు. అయితే ఈ అకౌంట్‌ నిర్వహణకు కొన్ని షరతులు ఉంటాయి. బ్యాంకుకు వెళ్లి స్వీయ ధృవీకరణ ఫోటో, సంతకం చేసి బ్యాంకు ఖాతాను ప్రారంభించవచ్చు. ఈ సేవలు దాదాపు అన్ని బ్రాంచుల్లోనూ అందుబాటులో ఉంటాయి. అయితే ఎస్‌బిఐ ప్రత్యేకమైన బ్రాంచుల్లో ఈ సర్వీసులు అందుబాటులో ఉండవు.

మినిమమ్‌ బ్యాలెన్స్‌ అమౌంట్‌ అవసరం లేదు. బ్యాంకు అకౌంట్‌లో గరిషటంగా రూ.50వేల వరకే డబ్బు ఉంచుకోగలం. దీనికి సేవింగ్స్‌ బ్యాంకు అకౌంట్స్‌ వడ్డీరేటు వర్తిస్తుంది. బేసిక్‌ రూపే ఎటిఎం కమ్‌ డెబిట్‌కార్డు ఫ్రీగా ఇస్తారు. ఒక నెలలో రూ.10వేల కన్నా ఎక్కువ లావాదేవీలను నిర్వహించడం కుదరదు. ఇక ఒక ఆర్థిక సంవత్సరంలో లావాదేవీల విలువ రూ.లక్షకు మించొద్దు. ఒకవేళ ఈ పరిమితి దాటితే కేవైసి పూర్తిచేసుకోవాల్సి ఉంటుంది. నెలలో ఎటిఎం నుంచి 4 సార్లు మాత్రమే డబ్బులు విత్‌డ్రా చేసుకోగలం. ఈ అకౌంట్‌ వాలిడిటీ 12 నెలలు. తర్వాత మళ్లీ ఏదైనా ధృవీకరణ పత్రం ఇచ్చి అకౌంట్‌ను కొనసాగేలా చేసుకోవచ్చు. ఎలాంటి ధృవీకరణ పత్రాన్ని అందించకపోతే 24 నెలల తర్వాత అకౌంట్‌ మూసివేసుకోవచ్చు.

తాజా బిజినెస్‌ వార్తల కోసం క్లిక్‌ చేయండి: https://www.vaartha.com/news/business/