సినీ రంగంలోకి అడుగుపెట్టిన MS ధోని

టీమిండియా మాజీ కెప్టెన్ ఎంఎస్ ధోనీ సినీ రంగంలోకి అడుగుపెట్టారు. ధోనీ ఎంటర్ టైన్ మెంట్ పేరుతో తన భార్య సాక్షి సింగ్ తో కలిసి ధోనీ ప్రొడక్షన్ హౌస్ ను ఏర్పాటు చేశాడు. ఈ కంపెనీకి సాక్షి మేనేజింగ్ డైరెక్టర్ గా వ్యవహరిస్తున్నారు. తమ నిర్మాణ సంస్థ నుంచి తొలుత తమిళ చిత్రాన్ని నిర్మించబోతున్నారు. ఈ చిత్రానికి రమేశ్ తమిళ్ మణి దర్శకత్వం వహించనున్నారు. ఈ సినిమా కాస్ట్, క్రూ వివరాలను త్వరలోనే ప్రకటించనున్నారు. తమిళంలో తన తొలి సినిమాను తెరకెక్కించిన తర్వాత-తెలుగు, మలయాళం లో వరుసగా ఎంఎస్ ధోని సినిమాలను పట్టాలెక్కిస్తారనే ప్రచారం జరుగుతోంది. తెలుగులో సూపర్ స్టార్ మహేష్ బాబు తో సినిమా ఉండొచ్చని చెబుతున్నారు.

ఇక దోనో మొదటి సినిమా..ఒక ఫ్యామిలీ ఎంటర్ టైనర్ గా తెరకెక్కుతుందని, అంతేకాదు ఈ సినిమా కథను సాక్షినే రాశారు. దీనిపై తమిళ్ మణి మాట్లాడుతూ… సాక్షి రచించిన కథను తాను చదివిన క్షణంలో అద్భుతమైన అనుభూతికి గురయ్యానని చెప్పారు. కథ చాలా కొత్తగా ఉందని… ఒక ఫ్యామిలీ ఎంటర్ టైనర్ గా ప్రజలను ఆకట్టుకునే సత్తా ఈ కథకు ఉందని అన్నారు.