అత్యధిక విరాళాలు పొందిన వైఎస్‌ఆర్‌సిపి పార్టీ

తెలియని మార్గాల నుంచి అత్యధిక విరాళాలు..దేశంలో రెండో స్థానంలో వైఎస్‌ఆర్‌సిపి

YSR Congress Party
YSR Congress Party

న్యూఢిల్లీ: తెలియని మార్గాల నుంచి అత్యధిక విరాళాలు వచ్చిన ప్రాంతీయ పార్టీల్లో వైఎస్‌ఆర్‌సిపి దేశంలోనే రెండో స్థానంలోనిలిచింది. ఈ జాబితాలో టీడీపీ ఐదో స్థానంలో నిలిచింది. తాజాగా, కేంద్ర ఎన్నికల సంఘానికి దేశంలోని 23 ప్రాంతీయ పార్టీలు సమర్పించిన విరాళాల విషయంపై‌ నివేదికలు సమర్పించాయి. దీంతో అసోసియేషన్‌ ఆఫ్‌ డెమోక్రటిక్‌ రిఫామ్స్‌ వివరాలు తెలిపింది. ఆ 23 పార్టీలకు మొత్తం రూ.885.956 కోట్ల విరాళాలు వచ్చాయి. వాటిల్లో రూ.481.276 కోట్ల విరాళాలు గుర్తు తెలియని మార్గాల నుంచి వచ్చాయి. గుర్తు తెలియని మార్గాల నుంచి అత్యధిక విరాళాలు అందుకున్న పార్టీల్లో రూ.213.543 కోట్లతో ఒడిశాలోని బీజేడీ తొలిస్థానంలో నిలిచింది. ఆ తర్వాత వైసీపీకి ఈ మార్గంలో రూ.100.504 కోట్లు వచ్చాయి.

శివసేనకు రూ.60.73 కోట్లు, జేడీఎస్‌కు రూ.39.13 కోట్లు, టీడీపీకి రూ.37.78 కోట్లు వచ్చాయి. మరోవైపు, ప్రాంతీయ పార్టీలకు అధికంగా ఎలక్టోరల్ బాండ్ల రూపంలో రూ.436.99 కోట్లు వచ్చాయి. టిఆర్‌ఎస్‌కు బాండ్ల రూపంలో రూ.141.5 కోట్లు విరాళంగా వచ్చాయి. ఇతర విరాళాల గురించి ఆ పార్టీ ఆడిట్ నివేదికలో రూ.41.175 కోట్లుగా చెప్పుకుంది. అయితే, ఎన్నికల సంఘానికి సమర్పించిన ఫామ్ 24లో మాత్రం రూ.41.275 కోట్లుగా చూపింది.


తాజా బిజినెస్‌ వార్తల కోసం క్లిక్‌ చేయండి:https://www.vaartha.com/news/business/