టీ కప్పులతో మోడీకి విషెష్ తెలిపి ఆకట్టుకున్నారు

నేడు భారత ప్రధాని నరేంద్ర మోడీ 72వ పుట్టినరోజు. ఈ సందర్భంగా సామాన్యుల దగ్గర నుంచి ప్రపంచ నేతల వరకు ఆయనకు సోషల్ మీడియా ద్వారా పుట్టినరోజు శుభాకాంక్షలు తెలియజేస్తున్నారు. ఇక అభిమానులు , బిజెపి నేతలైతే వినూత్నంగా విషెష్ చెపుతూ తమ అభిమానాన్ని , ప్రేమను చాటుకుంటున్నారు. ఈ క్రమంలో ప్రముఖ సైకత శిల్పి సుదర్శన్ పట్నాయక్ మోడీకి తనదైన శైలిలో విషెష్ చెప్పి వార్తల్లో నిలిచారు.

మోడీ 72వ పుట్టిన రోజు సందర్భంగా ఒడిశా పూరీ బీచ్​లో ఒక వెయ్యి 213 మట్టి టీ కప్పులను ఉపయోగించి..మోడీ చిత్రాన్ని రూపొందించాడు. అందులో హ్యాపీ బర్త్​డే మోదీ అని రాసుకొచ్చారు. 5 ఫీట్ల పొడవున్న మోడీ ఆకృతి కోసం పట్నాయక్​ 5 టన్నుల ఇసుక వాడారు. మోడీ సైకత శిల్పం విశేషంగా ఆకట్టుకుంటోంది. ఇక మోడీ బర్త్ డే సందర్భాంగా భారత రాష్ట్రపతి ద్రౌపదీ ముర్ము, ఉపరాష్ట్రపతి జగదీప్​ ధన్​ఖర్​, కేంద్ర హోం మంత్రి అమిత్​ షా, రక్షణ మంత్రి రాజ్​నాథ్​ సింగ్​, కాంగ్రెస్​ నేత రాహుల్​ గాంధీ, పలు రాష్ట్రాల సీఎంలు సహా పలువురు ప్రముఖులు శుభాకాంక్షలు చెప్పారు.