హెచ్‌1బీ వీసాదారుల‌కు అమెరికా గుడ్ న్యూస్

వీసాదారులు తమ పాత ఉద్యోగ‌ం కొన‌సాగించేందుకు అనుమ‌తి 

H-1B Visa
H-1B Visa

వాషింగ్టన్: అమెరికా హెచ్‌1బీ వీసాదారుల‌కు ఊర‌ట క‌ల్పించింది. హెచ్‌1బీ వీసాదారులు తమ పాత ఉద్యోగాన్ని కొన‌సాగించేందుకు అనుమ‌తి ఇచ్చింది. హెచ్‌1బీతోపాటు వివిధ రకాల విదేశీ వర్క్‌ వీసాలను ఈ ఏడాది డిసెంబరు వరకూ రద్దు చేస్తూ అమెరికా అధ్యక్షుడు ట్రంప్‌ ఇప్పటికే నిర్ణయం తీసుకున్న విషయం తెలిసిందే. ఈ నిర్ణయం ప్రస్తుతం అమల్లో ఉంది. అయితే, ఈ వీసాలపై నిషేధానికి ముందు ఏ ఉద్యోగం చేశారో, అదే ఉద్యోగంలో కొన‌సాగేందుకు అనుమ‌తి ఇస్తూ ట్రంప్ సర్కారు తాజాగా నిర్ణయం తీసుకుంది.

అలాగే, ఆ వీసాదారులపై ఆధార‌ప‌డేవాళ్లు, వారి జీవిత ‌భాగ‌స్వాములు, పిల్ల‌లు అగ్రరాజ్యం ప్ర‌యాణం చేసేందుకు అనుమ‌తి కల్పించారు. కరోనా వ్యాప్తి కారణంగా కుదేలైన ఆర్థిక వ్యవస్థను తిరిగి గాడిలో పెట్టేందుకు ఈ వీసాలతో ఉన్న విదేశీ టెక్నిక‌ల్ స్పెష‌లిస్టులు, సీనియ‌ర్ లెవ‌ల్ మేనేజ‌ర్ల సేవలు ఎంతగానో అవ‌స‌రముందని అమెరికా పేర్కొంది. కాగా, ఈ వీసాలపై నిషేధం విధించడంతో ఇప్పటికే పలు దిగ్గజ సంస్థలు అమెరికాలోని కోర్టులను ఆశ్రయించిన విషయం తెలిసిందే.

తాజా జాతీయ వార్తల కోసం క్లిక్ చేయండి:https://www.vaartha.com/news/national/