మంత్రి రాసలీలల ఆరోపణ..పదవికి రాజీనామా

ఉద్యోగం పేరిట లైంగికంగా వాడుకున్నారంటూ ఓ మహిళ వ్యాఖ్యలు

• 

బెంగళూర్: క‌ర్నాట‌క‌కు చెందిన జ‌ల‌వ‌న‌రుల శాఖ మంత్రి ర‌మేశ్ జార్కిహోలి త‌న ప‌ద‌వికి రాజీనామా చేశారు. ఉద్యోగం పేరిట ఓ మహిళతో రాసలీలలు జరిపిన మంత్రి అన్నివైపుల నుంచి విమర్శలు, ఒత్తిళ్లు తీవ్రం కావడంతో పదవికి రాజీనామా చేశారు. ఉద్యోగం ఆశచూపిన మంత్రి తనను లైంగికంగా వాడుకున్నారని ఆ మహిళ ఆరోపించడమే కాదు, అందుకు తగిన వీడియో ఆధారాలను కూడా వెల్లడి చేయడంతో కర్ణాటక రాజకీయాల్లో తీవ్ర దుమారం రేగింది.

అయితే తన చిత్రాలను మార్ఫింగ్ చేసి ఈ వీడియో రూపొందించారని వ్యాఖ్యానించిన మంత్రి రమేశ్ జార్కిహోలి… తప్పనిసరి పరిస్థితుల్లో పదవి నుంచి తప్పుకున్నారు. ఈ మేరకు సీఎం యడియూరప్పకు రాజీనామా లేఖను పంపించారు. తనపై వచ్చిన ఆరోపణల్లో వాస్తవం లేదని, వాటిపై దర్యాప్తు చేయాలని రమేశ్ కోరారు. తాను ఏ తప్పు చేయలేదని స్పష్టం చేశారు. ఆరోపణలు వచ్చాయి కాబట్టి నైతిక బాధ్యతతో రాజీనామా చేస్తున్నట్టు వివరణ ఇచ్చారు.

తాజా తెలంగాణ వార్తల కోసం క్లిక్ చేయండి:https://www.vaartha.com/telangana/