పండంటి మగబిడ్డకు జన్మనిచ్చిన నటి కాజల్
చందమామ ఫేమ్ కాజల్ మంగళవారం పండంటి మగబిడ్డకు జన్మనిచ్చింది. లక్ష్మి కళ్యాణం మూవీ తో తెలుగు లో హీరోయిన్ గా పరిచమైన కాజల్..మగధీర , చందమామ సినిమాలతో మంచి గుర్తింపు తెచ్చుకుంది. ఆ తర్వాత వరుసగా అగ్ర హీరోలతో పాటు చిన్న హీరోల సరసన నటించి అతి తక్కువ టైంలోనే స్టార్ హీరోయిన్ అనిపించుకుంది. తెలుగు , తమిళ్ , హిందీ భాషల్లో పలు సినిమాలు చేసింది.
చిత్రసీమలో రాణిస్తూనే ముంబయి వ్యాపారవేత్త గౌతమ్ కిచ్లూతో ప్రేమలో పడి.. 2020 అక్టోబర్ 30 తేదీన సంప్రదాయ పద్ధతుల్లో వివాహం చేసుకొన్నారు. ఆ తర్వాత వారిద్దరూ విహారయాత్రల్లో దాంపత్య జీవితాన్ని ఎంజాయ్ చేస్తూ సోషల్ మీడియాలో వైరల్ అయ్యారు. ఆచార్య సినిమా షూటింగ్లో పాల్గొంటున్న సమయంలోనే కాజల్ అగర్వాల్ ప్రెగ్రెంట్ అయ్యింది. ప్రెగ్నెన్సీ సమయంలో కాజల్ అగర్వాల్ సోషల్ మీడియాలో చాలా యాక్టివ్గా కనిపించారు. ఇటీవల కాజల్ బేబీ బంప్ ఫోటోషూట్ సోషల్ మీడియాలో వైరల్ అయ్యాయి.