కేసీఆర్తో ఝార్ఖండ్ సీఎం హేమంత్ భేటీ
ఝార్ఖండ్ సీఎం హేమంత్ ..తెలంగాణ ముఖ్యమంత్రి కేసీఆర్ తో భేటీ అయ్యారు. కుటుంబసభ్యులతో కలిసి గురువారం హైదరాబాద్ వచ్చిన హేమంత్… సాయంత్రం ప్రగతిభవన్లో ముఖ్యమంత్రి కేసీఆర్తో భేటీ అయ్యారు. జాతీయ రాజకీయాలు, కేంద్ర ప్రభుత్వ వైఖరి సహా ఇతర అంశాలపై ఇద్దరు మాట్లాడినట్లు తెలుస్తుంది.
గతంలోనూ హేమంత్ సోరెన్ హైదరాబాద్లో కేసీఆర్తో సమావేశమయ్యారు. రీసెంట్ గా రాంచీ వెళ్లిన కేసీఆర్… గాల్వాన్ లోయలో మరణించిన ఝార్ఖండ్కు చెందిన సైనికుల కుటుంబాలకు రాష్ట్ర ప్రభుత్వం తరఫున ఆర్థికసాయం అందించారు. దేశ పరిస్థితులు, రాజకీయాలు సహా ఇతర అంశాలపై చర్చించారు. ఇక ఇప్పుడు మరోసారి ఇరువురు భేటీ అవ్వడం రాజకీయంగా చర్చగా మారింది.
