ట్రంప్ వ్యాఖ్యలను తాము సమర్థించడం లేదు
కరోనాను త్వరలోనే అదపులోకి తెస్తామన్న ట్రంప్ వ్యాఖ్యలు
వాషింగ్టన్: అమెరికా అధ్యక్షుడు ట్రంప్ కరోనా వైరస్ త్వరలోనే అదుపులోకి వస్తుందన్న వ్యాఖ్యలను ఆదేశ అంటువ్యాధుల నిపుణుడు ఆంటోని ఫౌచీ కొట్టిపారేశారు. ఇప్పట్లో కరోనా అదుపులోకి వస్తుందని ట్రంప్ చేసిన వ్యాఖ్యలను తాము సమర్థించడం లేదని చెప్పారు. అమెరికాలో కరోననా తీవ్రత ఇప్పటికీ ప్రమాదకరంగానే ఉందని తెలిపారు. కరోనా పాజిటివ్ కేసులతో పాటు మరణాల రేటు ఆందోళనకరంగా ఉందని చెప్పారు.
ప్రతిరోజు దాదాపు సుమారు 40 వేల కేసులు నమోదవుతున్నాయని, అదే సమయంలో వెయ్యికి పైగా మరణాలు సంభవిస్తున్నాయని చెప్పారు. కనుక ట్రంప్ చేసిన వ్యాఖ్యలతో తాను విభేదిస్తున్నానని తెలిపారు. శీతకాలం రావడంతో కంటే ముందుగానే వైరస్ను అదుపులోకి తీసుకురావడం చాలా ముఖ్యమని ఆయన అభిప్రాయపడ్డారు. అధ్యక్ష ఎన్నికల్లో డొనాల్డ్ ట్రంప్ బహిరంగ ప్రదేశాల్లో ప్రచారం నిర్వహించడంపైకూడా ఆయన అభ్యంతరాలు వ్యక్తం చేశారు. కరోనా సమయంలో ఇటువంటి సభలు సరికాదని చెప్పారు.
తాజా జాతీయ వార్తల కోసం క్లిక్ చేయండి:https://www.vaartha.com/news/national/